"شروق على السرير والكل حواليها "
"يحى واقف فى جمب وعينه كلها خوف ولهفه على شروق "
"صباح بتشممها البرفن فوقى يا حبيبتى اتحسدتى والله يارب مبنلحقش نفرح ابدا كدا"
"شروق بتفوق .. ايـ هـ ..يـ حـ"
"ايه واقفه قلقانه قلقانه على شروق مش عارفه ايه اللى حصلها"
"يحى واقف هايتجنن "
"صباح" ايه جمبك يا حبيبتى ويحى كمان كلنا هنا اهو
"شروق بصوت واطى معلش يا ماما سبونى لوحدى مع ايه شويه"
"صباح بأستغراب" ايه ليه يا حبيبتى فى حاجه
"شروق" لاء عاوزاها معايا بس
"صباح برهنت ان دا عادى لاشتراكهم فى اوضه واحده فاقريبين لبعض"
"يحى مستغرب ان شروق مطلبتش منه يكون جمبها "
"يحى بيخرج من الاوضه ووقف على الباب والتفت لشروق بنظرات حزينه"
"شروق عينها بتقابل عين يحى وكلها دموع "وبتبعد عينيها تانى عنه
...........................................
"يحى قاعد فى الانتريه عند صباح محروج من كل اللى حواليه"
"صباح ملاحظه احراج يحى " معلش يا يحى عيون الناس وحشه كويس انها جيت على اد كدا
"يحى تفكيره فى شروق وتغيرها المفاجئ من اخر الخطوبه"
"يحى بعدم اقتناع لكلام صباع" ان شاء الله كل حاجه هاتكون بخير المهم هيا تكون كويسه
"صباح" يارب يا بنى يارب
............................................
"شروق بتبص لايه وهيا قاعده على طرف السرير نظرات كلها لوم"
"ايه بخوف" هوا انتى مالك يا شروق
"شروق" انتى الانسان اللى بتحبيه وقولتيلى انه عمره ما هايحس بيكى هوا يحى صح
"ايه بأستنكار وتفاجئ بتقوم تقف" يحى لاء طبعا يحى ايه خطيب اختى هاحبه ازاى يعنى ازاى تتهمينى اتهام زى دا
"شروق" شوفتك يا ايه شوفت نظرتك ليه شكلها عامل ازاى
"ايه والدموع بتناجى عينيها" لا طبعا انتى ازاى بتقوليلى كلام زى دا
"شروق بدموع" مكنتش اتمنى اقوله ابدا يا ايه ابدا بس انا مش هاقدر اتجوز انسان اختى بتحبه حتى لو روحى فيه
"ايه" انا مبحبوش يا شروق مبحبوش
"شروق" عصبيتك ودموعك بتقول غير كدا يا ايه
"ايه بتدور على مبرر" انا هاقولك انا بحب مين علشان ترتاحى بقى
"شروق بشك "مين
"ايه بتفكير اقرب حد كان لخيالها كان.." انا بحب فارس من واحنا صغيره وبرفض كل العرسان علشانه كنت على امل رجوعه ويحس بيا ويحبنى
"شروق" مش مصدقاكى يا ايه
"ايه" دى مشكلتك انتى هاتضيعى منك يحى وتضيعى فرحتكوا سوا بأجمل ايام عمركوا
"شروق بعدم تصديق لايه" خلاص يا ايه اسكتى
................................................
"سحر وعاصم وهبه فى العربيه "
"هبه شكلها حزين اوى وقاعده جمب سحر"
"عاصم جمب السواق ملاحظ السكوت المخيم عليهم"
"عاصم" هبه شكلك زعلان ليه
"سحر" اه يا هبه حتى فى الفرح كنتى بتقومى تقفى جمب شروق بصعوبه
"هبه بدموع" انا زعلانه عليا اوى يا ماما وعلى حبنا انا وادهم اللى مبقالوش معالم
"عاصم" ليه بتقولى كدا دا اختبار علشان تختبروا حبكوا وقوته وتمسكوا ببعض اللى هايزهق ويمل بسرعه يبقى ميستحقش التانى
"سحر معجبه بكلام عاصم" الحياه طول ما احنا عايشين فيها لازم دايما نشوف اختبارات تورينا ان كان حبنا حقيقى ولا غلاف بنتجمل بيه اننا بنحب وعايشين وخلاص
"هبه" بس انا وحشنى ادهم اوى كأنه مش موجود
"سحر بتاخد هبه على صدرها متزعليش ياحبيبتى كل حاجه هاتبقى كويسه بس انتى بتثبتيله وبتثبتى لنفسك ان حبكوا قوى ويستحق تكونوا سوا
"عاصم سعيد بكلام سحر وحاسس انهم بيتكلموا بلسان واحد كل افكارهم متشابهه"
................................................
"يحى بيقوم يقف"
"صباح" وقفت ليه يا حبيبى
"يحى " معلش يا طنط ممكن بس اطمن على شروق علشان امشى
"صباح" تمشى لاء طبعا مستحيل لازم نتعشى سوا دى الاصول
"يحى" لاء يا طنط انا شبعان من الاكل بتاع البوفيه مش هاقدر
"صباح"طيب يا حبيبى هادخل اشوفلك شروق ثانيه واحده
"صباح" بتخبط على شروق وبتدخلها شافت ايه ودموع فى عينيها وشروق زيها
"صباح" فى ايه مالكم
"شروق بتمسح دموعها مافيش حاجه يا ماما احنا كويسين وبتبص لايه"
"ايه " ايوه يا ماما الحمد لله
"صباح"طيب يحى عاوز يطمن عليكى قبل ما يمشى
"شروق وعينيها على ايه" ماشى يا ماما خليه يجى
"صباح" لو قادره اخرجيله انتى مش حابه دخوله اوضتكوا كدا
"شروق بتقوم نفسها الفستان تقيل بصت على نفسها فى المرايه شافت ايه بتبصلها بعدت نظرها عنها وخرجت "
"ايه قاعده حزينه وبعدين ازاى انا كاشفه مشاعرى كدا ازاى اكسر فرحة اختى يوم فرحها كدا بس انا هاعمل ايه انا كمان قلبى واجعنى كفايه حب حياتى ساب الدنيا كلها وخطب اختى بس انا مش هاضحك على نفسى من زمان وقالى بحبها وهيا بس اللى فى قلبى وبحلم بيها بس انا مش قادره اكرهه ولا انساه ولا حتى اتعامل على انه خطيب اختى ليه بس كدا يارب محبش غير انسان عمره ما هايكون ليا "
"بس انا لازم اخلى شروق تصدق ان انا فعلا بحب فارس بس اعمل ايه
..........................................................................
"خلود بترد على موبايلها"
"ايوه يا خالد "
"خالد" ايوه يا خلود ايه انتى فين بكلمك بقالى ساعه
"خلود" معلش يا حبيبى اصل شروق اغمى عليها واحنا طالعين فا نسيت اتص
"خال بزعل " نسيتى تتصلى تطمنى عليه وعارفه ان انا مسافر متأخر كدا شكرا عرفت مقدار حبك ليا
"خلود" انا اسفه يا خالد والله مقصدش بس كنت فاكره انك بدل ما تقولى كلامك دا تسألنى شروق عامله ايه دلوقتى دا انت ولا كأنك سمعت
"خالد" زعلت منك اوى يا خلود بجد
"خلود" وانا معملتش حاجه تزعل عليها اوى كدا يا خالد انا اللى زعلت على عدم تقديرك للظروف
"خالد" خلاص خلصتى
"خلود" ايوه
"خالد " خلاص مع السلامه
"خلود مش مستوعبه اللى بيحصل هوا ايه اللى حصل لكل دا بس بدون وعى ردت " مع السلامه "
........................................................
"شروق بتخرج ليحى بأبتسامه مصطنعه"
"يحى بيقف بأبتسامه"
"صباح بيتسيبهم لوحدهم وبتخرج "
"يحى" حبيبتى مالك ايه اللى حصلك فجأه
"شروق كل ما تبص ليحى تشوف ايه وتفتكر نظراتها ليحى"
"شروق" بتبعد بعينيها عن يحى
"يحى بيمسك ايد شروق"
"شروق بحركه عفويه بتشد ايدها منه"
"يحى" فى ايه يا شروق مالك
"شروق" مفيش بس مرهقه وتعبانه شويه يا يحى معلش
" "يحى بيقوم يقف طيب انا هامشى لما تبقى كويسه ابقى كلمينى
"شروق بحزن" يا يحى انا تعبانه والله متزعلش
"يحى " وانا مش زعلان بس انا كمان تعبت وهروح يلا سلام
"شروق دموعها بتنزل مش عارفه تعمل ايه كل تفكيرها ازاى هاتقدر تسيب يحى او تعيش من غيره
....................................................
تانى يوم بالنسبه لكل ابطالنا الصغيرين فهوا يوم مش سعيد ليله كان طويل وصعب اغلبهم نام ودموعه على خده
"يحى بيقوم وبيشوف الموبايل كان متوقع يشوف اى رنه او مسج من شروق بس دا محصلش "
"قام لبس ونزل "
"سحر بتجهز السفره "
"يحى بيسلم عليها " صباح الخير يا ماما
"سحر" صباح الخير يا حبيبى يلا الفطار جاهز
"يحى" لاء يا ماما معلش مش قادر انا هاروح الشغل بعد اذنك وبيبوس ايدها ادعيلى يا ماما
"سحر" مالك يا حبيبى شكلك زعلان ليه
"يحى" لا يا حبيبتى انا كويس يلا سلام
"سحر" فى امان الله يا حبيبى
.....................................................
"ايه نايمه على السرير المقابل لشروق بتفتح عينيها على شروق اللى فاتحه عينيها وبتبصلها ووشها مليان دموع "
"ايه" ايه يا شروق مالك انت عاوزه تزعلى نفسك وخلاص
"شروق بتمسح دموعها واتدورت للناحيه التانيه"
"ايه متضايقه انها سبب فى حزن شروق بس هيا مكنتش تحب ابدا تشوف شروق فى حالتها دى "
"ايه بتفكر تعمل ايه اخدت الموبايل بتاعها من على الكوميدينو جمبها وخرجت من الاوضه"
........................................................
"عاصم وهبه نازلين لسحر يفطروا"
"هبه" مالك يا ماما شكلك متضايق ليه
"عاصم" اه فعلا انتى كنتى كويسه حصل حاجه
"سحر" لاء انا كويسه اهو بس يحى مشى وهوا شكله زعلان
"هبه" هوا لحق يزعل مش معقول مع شروق
"عاصم" يمكن بس مرهق يا سحر وانتى ترجمتى تعبه لحزن
"سحر" يمكن بس يحى مليون مرهق لما بيكون سعيد وشه بينور وبيضحك دايما ودا مشوفتوش النهارده
"هبه" ها تقلقينى ليه بس يا ماما اكلم شروق
"عاصم" لاء بلاش نتدخل بينهم ولو موضوع صغير نكبره وانا هاتكلم معاه فى الشغل ان شاء الله
"سحر"ماشى بس لو قالك حاجه معلش ابقى كلمنى طمنى
"عاصم" حاضر يلا انا هامشى
"سحر" بس انت مكلتش حاجه
"عاصم" لاء اكلت لقمه خفيفه كدا علشان متعبش
"هبه بتشرب بوء شاى وبتقوم" وانا كمان يا ماما هامشى ورايا محاضره بدرى يلا سلام
"سحر" ماشى مع السلامه
................................................
"ايه واقفه فى البلكونه "
"الو ..انا ايه..معلش عاوزه اشوفك ...لاء مش دلوقتى ممكن كمان ساعتين بس..ماشى ..متشكره ..مع السلامه
"ايه بعد ما خلصت تليفونها " يارب اقدر اتكلم ويقدر ويرضى يساعدنى
..................................................
"اشرف ومنى نايمين"
"منى بصوت عالى اشبه بالصويت يا اشرف "
"اشرف بيقوم مفزوع" مالك يا منى
"منى" الحقنى يا اشرف الحقنى دم
"اشرف بيقوم بسرعه وبخوف" طيب طيب نامى على السرير وانا هاتصل بالدكتور
"منى بدموع" ولادنا يا اشرف يارب اموت وميحصلهمش حاجه
......................................
......................................
لااااااااا بعد الشر عليها ولادها يا نسمــــه وشروووق ويحيى هيا الدنيا اتلغبطت ليييييه كدا ...
ردحذفهههههههه شفتي دخلتيني في الاحداث فييين الحلقه بقى الجديده ^_^
Sindrella Lolo
هههههههههههههه بصراحه انا سعيده بيكى والله بدخلك المدونه مخصوص والله يا لولو <3
ردحذفان شاء الله الحلقه الجديده بكره بأمر الله