"اشرف ومنى نايمين"
"منى بصوت عالى اشبه بالصويت يا اشرف "
"اشرف بيقوم مفزوع" مالك يا منى
"منى" الحقنى يا اشرف الحقنى دم
"اشرف بيقوم بسرعه وبخوف" طيب طيب نامى على السرير وانا هاتصل بالدكتور
"منى بدموع" ولادنا يا اشرف يارب اموت وميحصلهمش حاجه
"اشرف بتوتر" خير خير مش هايحصلهم حاجه متقلقيش
"الو..لو سمحتى الدكتور..ايوه حاله مستعجله ..اه العنوان ..اتفضلى"
.................................................
"ايه فى الاوضه مع شروق بتلبس بهدوء"
"شروق بتبصلها وهيا بتلبس نفسها تسألها انتى رايحه فين بس سكتت"
"ايه خلصت ولبست طرحتها وخرجت وقفلت وراها من غير ما تبص لشروق"
"شروق ماسكه الموبايل فى ايديها قلبها وجعها نفسها تطمن على يحى بس مش قادره
...................................................
"خلود قايمه من النوم بتحضر شنطتها للسفر"
"كل شويه تمسك موبايلها تشوفه بلهفه مستنيه تشوف رقم خالد "
"تشوف الموبايل وتفضل تشوفه مطمن مقفول او مفتح فيه شبكه ولا لاء"
"بيأس بترجع الموبايل تانى لمكانه"
....................................................
"ايه واقفه على اول الشارع عندهم "
"فارس بيعد جمبها بالعربيه .. بتبتسم ابتسامه هاديه وبتفتح باب العربيه وبتقعد جمبه"
"ايه" معلش يا فارس عطلتك عن شغلك
"فارس" عيب تقولى كدا بس قلقت من اتصالك بس انتى واقعه فى مشكله صح
"ايه" ايوه
"فارس" حب
"ايه" ايوه بس عاوزاك تركن عند اى مكان هادى حابه اتكلم معاك ومش واخده راحتى فى العربيه
"فارس" حاضر
.....................................................
"يحى كل شويه يمسك تليفونه بيحاول يتصل بشروق"
"بيسيب التليفون على المكتب" لو هيا محتجانى ها تتصل انا قولتلها لما تحب تكلمنى انا موجود "
"ياترى بس ايه غيرها من امبارح كدا معقول انا ضايقتها ..بس انا مقدرش ازعلها ابدا فى حد بيزعل روحه"
"الباب بيخب"
"يحى" اتفضل
"عاصم بيدخل" اذيك يا يحى مشوفتكش على الفطار ليه مستعجل على الشغل اوى كدا ليه
"يحى بيقف لعاصم وعلى وشه ابتسامه" معلش يا عمو انا ورايا شغل لازم يخلص
"عاصم"ماشى يا يحى وبيقعد على الكرسى اللى اقدام مكتب يحى
"يحى" حضرتك بتعمل ايه يا عمو اتفضل حضرتك على الكرسى دا
"عاصم" اقعد يا يحى عاوز اتكلم معاك كلمتين وهاروح البيت
"يحى" حضرتك مبقتش تشتغل زى الاول يا عمو خالص ولا بتسأل الشغل ماشى ازاى
"عاصم" هاسأل ورا ابنى كل الشغل دا بتاعك انت وليك انت وهبه
"يحى" لاء طبعا ربنا يطول فى عمر حضرتك وبعدين احنا ملناش الحق ولا نقبل بكدا
"عاصم" دا مش موضوعنا دلوقتى يا يحى انا عاوز اطمن عليك نازل بدرى ليه وشكلك ليه زعلان مش واحد بيحب وهايتجوز ابدا
"يحى بأنكار" والله يا عمو انا كويسه متقلقوش انا مش عارف انتوا قلقانين كدا ليه
"عاصم" شكلك وزعلك دا اللى قلقنا
"يحى" ارهاق بس وهابقى كويس ان شاء الله
"عاصم" ماشى بس اعرف ان انا موجود دايما ولو حبيت تتكلم فى اى حاجه انا موجود
"يحى" ان شاء الله يا عمو بس متقلقوش كدا
.................................................................
"فى مكان بسيط وعلى تربيزه فارس وايه قاعدين"
"ايه بتشرب بوء عصير وبتسيبه" انا مش عارفه ابدأ كلامى ازاى
"فارس" انتى قلقتينى اوى يا ايه
"ايه" هوا انا مش عارفه الموضوع فعلا محرج كنت وانا بكلمك فكراه ابسط من كدا
"فارس" محرج ليه لو بتحبى حد وعاوزنى اقنع عمتو انا هاعمل كدا بس اتكلمى وبيبص فى ساعته
"ايه" لالا الموضوع مش كدا انا بصراحه بحب يحى وكنت
"فارس متفاجئ" ايه بتحبى مين
"ايه" بص يا فارس انا محتاجه منك انك تساعدنى اثبت لشروق ان انا مبحبوش لانها من امبارح بتعيط
"فارس"ليه هوا انتى قولتيلها انك بتحبيه
"ايه" لاء هيا لاحظة نظراتى لفارس فى الخطوبه علشان كدا وقعت وتعبت لما رجعنا
"فارس مش قادر يقولها ليه حبتيه لانه فى نفس موقفها ها يلومها وهوا زيها ازاى"
"فارس" طيب انا مش عارف عاوزانى نثبتلها ازاى وانا دخلى ايه
"ايه" اصل انا حبيت ابعد شكها فى حبى ليحى قولتلها ان بحبك انت
"فارس بأستغراب " انا واشمعنا انا
"ايه" معرفش بس مكنش فى حد تانى فى خيالى وقتها وموجود فى الفرح
"فارس" اه بس انتى تفتكرى انها هاتصدق
"ايه" ما انت هاتتقدملى بقى
"فارس" نعم
"ايه " معلش يا فارس تمثيليه بس صغيره لحد ما شروق ويحى يتجوزوا بس
"فارس" لاء يا ايه مينفعش انتى ليه مابتبصيش للابعاد
"ايه" اللى هيا
"فارس" اهلنا والحساسيه اللى هاتحصل بعد كدا
"ايه" اه طيب اعمل يه بس انا خلاص مش عارفه افكر واعمل ايه انت مشوفتش شروق مبتبطلش عياط
"فارس" خلاص يا ايه احنا هانمثل الحب بس اقدام شروق لكن حد تانى لاء
"ايه" بجد شكرا يا فارس متشكره اوى بجد
"فارس بيبتسم لايه حاسس بيكى يا ايه الحب مش بأيدينا للاسف ربنا يقدرنى واقدر اسعد شروق لاخر لحظه
.......................................................
"خلود بتتصل بخالد" اذيك يا خالد
"خالد" الحمد لله انا كويس وانتى
"خلود" كويسه وصمت ما بين الاتنين
"خلود" طيب كويس انك بخير مع السلامه
"خالد" انتى مش حاسه انك المفروض تقولى حاجه
"خلود" لاء مش حاسه انا مغلطش وعلى فكره انا اتصلت بيك وانت من امبارح مفكرتش تسأل عليه
"خالد" انتى عاوزه تركبينى الغلط وخلاص
"خلود " غلط !
"خالد" ايوه غلط انتى مش ملاحظه انك مبتعتزريش ابداً ودايما عنيده وشايفه نفسك صح
"خلود ودموعها بتناجى عينيها" انت تقصدنى انا يا خالد انا فيا كل دا انا مفتكرش اننا اختلفنا ابدا
"خالد"لاء مش اختلاف فى مواقف
"خلود بدموع وصوت مخنوق" خلاص يا خالد انا اسفه علشان انا تعباك اوى كدا مع السلامه
"خالد قلبه رق لصوتها اللى واضح البكا فيه" انتى بتعيطى يا خلود
"خلود" لاء مع السلامه
"خالد" طيب مع السلامه بس انا مقصدش ازعلك يا خلود
"خلود" انا اسفه ان انا عنيده وان مبفهمكش
..........................................................
"الدكتور بيكشف على منى وهيا بتعيط"
"اشرف واقف بره رايح جاى "
"الدكتور بيخرج" لازم اتصل بالاسعاف حالا
"اشرف" ليه يا دكتور مالها بس
"الدكتور " انا مش قادر احدد حالتها كدا لازم اشوفها بالجهاز
"اشرف بدموع مش قادر يحبسها" يعنى ولادى نزلوا
"الدكتور بيتصل بالاسعاف" ان شاء الله خير
"اشرف" بدموع بيسمع لكلام الدكتور ومش قادر يدخلها الاوضه علشان متشوفش دموعه فى عينيه وتحس بيه
................................................
"صباح وكل البيت بيخرج على صوت الاسعاف البلكونه"
"انجى بترفع دماغها من البلكونه وبتبص لصباح" هوا فيه ايه مين اللى تعبان
"صباح" مش عارفه هانعرف اهو يا لهوى دول داخلين البيت عندنا يا ترى مين يا لهووى لتكون ماما ودخلت تجرى
"شروق واقفه شكلها لسه هاتدخل شافت شروق بتنزل من على اول الشارع من عربية فارس"
"شروق بيشدها الموقف بتبص اكتر بتحدد نظرها عليهم شافتهم بيسلموا على بعض ومبتسمين
.......................................................
"عاصم داخل لسحر الفيلا بيمسكها من كتفها بخ"
"سحر" بتتدور ايه دا عاصم خضتنى انت جيت تانى ليه
"عاصم" مش الولاد مش هنا
"سحر" ايوه
"عاصم" طيب عاوز اقولك كلمتين فى اوضتنا طيب
"سحر بضيق" معلش يا عاصم انا مش قادره
"عاصم" مالك يا سحر شكلك متضايق كدا ليه
"سحر" انا بس خايفه
"عاصم" من ايه
"سحر" اصل انا شاكه ان انا حامل
"عاصم بفرحه مش قادر يداريها" حامل بتتكلمى جد
"سحر" ايوه
"عاصم"طيب بس انتى مش كبرتى على الحمل مش انتى كام سنه 40
"سحر" انا 24
"عاصم" ودا عادى يعنى مش غلط عليكى
"سحر" لاء مش غلط مادام مخلفه قبل كدا
"عاصم بيمسك ايديها" انا اسعد انسان فى الدنيا معقول بعد العمر دا كله ابقى اب
"سحر " بس انا هانزله ومش عاوزه ولادى يعرفوا
"عاصم بخيبة امل" ليه يا سحر ازاى قدرتى تقولى كلمه زى دى
"سحر" انا اسفه بس انا مقدرش اقول لولادى وهما على وش جواز وهايخلفوا ان انا حامل وهاخلف
"عاصم مصدوم من كلام سحر" بيبصلها وبيسكت
"سحر" اتضايقت منى
"عاصم" بعد اذنك انا طالع ارتاح فى اوضتى شويه
....................................................
صباح وعبدالعزيز وانجى واشرف واقفين فى مستشفى اوقدام اوضة كشف "
"عبدالعزيز " اطمن يا اشرف ان شاء الله هاتبقى حاجه بسيطه وهاتعدى على خير
"اشرف" يارب
"صباح" انت يا حبيبى ملحقتش تفرح ربنا يستر يا خويا يارب
"انجى بتغمز صباح" ان شاء الله حاجه بسيطه وهاتعدى على خير ان شاء الله
"صباح" انا اسفه والله مقصدش
"اشرف رايح جاى" يارب يارب انت العالم بالخير الحمد لله
..................................................
"شروق قاعده مستغربه تجاهل ايه ليها "
"ايه بتمسك الموبايل وبتكلم فارس" الو ايوه يا فارس الاسعاف كانت لطنط منى ايوه تعبانه الحمل وكدا .. وانت كمان والله.. اه كانت اسعد ساعه فى حياتى..ماشى هاقف اشوفك وانت راجع..هاتروح المستشفى ليه ..لاء ما عمو عبد العزيز وطنط انجى وماما معاهم ..ايوه لما اعرف حاجه هاطمنك ...سلام "
"ايه بتقفل وبتخرج من الاوضه"
"شروق قاعده مكانها مش مصدقه اللى بتسمعه وشافته امتى دا كله وايه السرعه دى"
"بس لو ايه فعلا بتحب فارس بس فارس مبيحبهاش دا اعترفلى بحبه ليا ولا كان بيمثل عليه ولا ايه انا مش عارفه اصدق مين ممكن تكون هيا اللى بتمثل علشان مصدقش حبها ليحى ..وهيا هاتعمل كدا ليه لاء هيا لو بتحب فارس فعلا انا هاعرف "
"شروق بتمسك تليفونها حنينها ليحى غلبها نفسها تسمع صوته"
........................................................
"كنزى فى الجامعه اتعرفت على ملك بسرعه بنوته قموره بس سمعتها سبقاها "
"ملك" ما تيجى يا كنزى اعرفك على حازم
"كنزرى" لاء معلش انا مبتعرفش على ولاد
"ملك" مبتتعرفيش ليه ؟
"كنزى" علشان انا مبحبش صحوبية الولاد
"ملك" دى احلى متعه فى الحياه خليكى معايا وانا هاوريكى ازاى تستمتعى بحياتك من غير ما حد يعرف عنك حاجه
"كنزى" لاء انا مش بعمل كدا خايفه من حد انا اتربيت مصاحبش يا ملك ولو عاوزانا نبقى صحاب ياريت متكلمنيش فى حاجه زى دى تانى
"ملك" يا بنتى دا انتى قمر نص شباب الجامه مكلمنى عليكى
"كنزى" انا ويكلموكى عليه ليه انا مقبلش بالكلام دا
"ملك بسرحان انتى هاتعملى عليه شريفه طيب اصبرى شوفى انا هاعمل فيكى ايه
"كنزى" انتى زعلتى منى يا ملك
"ملك هاهاها " لاء يا حبيبتى مزعلتش دى حريه شخصيه براحتك انا كنت عاوزه افرفشك بس
"كنزى" معلش يا ملك انا ماليش فى الجو دا
"ملك" ماشى يا حبيبتى ولا يهمك عادى انا حبيتك اوى من اول ما شوفتك وكفايه انا معاكى
"كنزى" وانا كمان والله ايوه طبعا انا اصلا مش عاوزه اصحب كتير انا وانتى بس
"ملك بخباثه" ماشى يا حبيبتى اصحاب طول العمر امووووووه
.........................................
"اشرف واقف دموعه محبوسه فى عينيه"
"الدكتور بيخرج بأسى"
"الكل واولهم اشرف بيجرى عليه" طمنى ابوس ايدك يا دكتور
.......................................
أسى ليـــه بقى يا دكتور طمنيني انا الاول قبلهم :D
ردحذفالحلقه جميييله بس حساها صغيره كدا والمهم مش عايزه حد فيها يزعل اتفقنا ^_*
Sindrella Lolo
تسلميلى يا لولو الحلقه قب الاخيره بكره
ردحذفوالاخيره هاتكون يوم السبت ان شاء الله ^_^