يـــــــارب تعجبكوا ^_*
"انجى بتفتح النور على فارس وهوا نايم يلا قوم بقى"
"فارس" لاء انا مش عاوز اقوم سبونى نايم
"انجى" طيب قوم عندى ليك خبر ها يبسطك جدا
"فارس" خلاص مافيش حاجه هاتبسطنى خلاص تانى
"انجى" ليه بس يا حبيبى بتقول كدا دا بابا كلم عمتك صباح على شروق وهيا وافقت
"فارس" بيقوم يقعد على السرير وافقت
"مافيش حد اقدامه بيفتح وبيقفل عينيه تانى وبحزن ياه حلم جميل بجد "
"وهيا يعنى لو كانت وافقت كان ها يتغير ايه دى قالتها صريحه انها بتحب يحى يا بختك يا يحى انا بجد زعلان اوى من نفسى بس شروق لازم تكون ماضى ويتنسى لازم احاول افتح قلبى لحب جديد مفضلش عايش على وهم ويحى ميستهلش منى افكر فى واحده بيحبها حتى لو انا بحبها طول عمرى هوا مالوش ذنب فى كدا "
.....................................................
"سحر وعاصم قاعدين فى الانتريه عند سميحه "
"اشرف بيدخلهم هوا ومنى وبيرحب بيهم "
"عاصم بيقوم يقف" اذيك يا اشرف يارب تكون بخير
"اشرف وعينه على سحر" الحمد لله المهم انتوا
"الحمد لله "
"سميحه" تعالى يا سحر اسندينى عاوزاكى فى كلمتين لوحدنا
"سحر بتقوم لمامتها " حاضر وبعنيها لعاصم بعد اذنك
"عاصم بفضول" اتفضلى
"اشرف بابتسامه هاديه" قومى يا منى اعمليلنا شاى او قهوه
"عاصم" لاء بلاش قهوه هاشرب شاى ماشى
.........................................................
"يحى" بيرجع هوا وهبه وراكبين فى العربيه
"هبه بدموع" معقول يا يحى ادهم ميفتكرنيش وينسانى خلاص
"يحى" ليه بس يا حبيبتى بتقولى كدا اكيد فتره وهاتعدى
"هبه" انا بموت يا يحى لما احس انه مش عاوزنى بجد ازاى قدر ينسانى دا انا لو مكانه ونسيت نفسى مستحيل انساه حبه اللى فى قلبى ها يفكرنى بيه
"يحى" هبه اعقلى كلامك هوا مبيمثلش مثلا دا انسان واتعرض لحادثه وبعدين دى محنه واختبار من ربنا علشان تشوفوا حبكوا قوى فعلا ولا اى صدمه تهزه وتكسره
"هبه" صح عندك حق
"السواق" وصلنا يا فندم
"يحى" احنا ايه جابنا هنا يا عمو نصر مش قولنا هانروح على بيت العيله
"السواق" اه فعلا معلش يا بنى نسيت والله
"يحى" ولا يهمك يا عمو معلش لو مش قادر تتودينا او عاوز تدخل ناخد تامسى
"السواق" الهى يكرمك انا كويس انا بس نسيت
"يحى" ماشى طيب يلا بينا
.............................................
"سحر وسميحه فى اوضة سميحه"
"سميحه" بتميل على سحر عامله ايه يا بنتى مع جوزك شكله طيب
"سحر" فعلا يا ماما طيب وبيحب ولادى اوى
"سميحه" ربنا يعوضك بيه عن كل التعب اللى شوفتيه فى حياتك
"سحر" ان شاء الله
"سميحه" عاوزه اقولك كلمتين يا بنتى مضمنش بكره جاى فى ايه
"سحر" خير يا ماما
"سميحه" بصى يا بنتى اوعى فى يوم تقفلى عليكى انتى وجوزك اوضه وعيالك موجودين ..ولا تلبسى ولا تدلعى معاه اقدامهم..خليكى دايما عاقله
"سحر" بس
"سميحه" متقاطعنيش.. يا بنتى انا عارفه انك ملحقتيش تعيشى مع محمد الله يرحمه حياتك كلها كانت متفانيه على ولادك ممكن لما لحظة سعاده وفرح يجولك تنسى نفسك ومتاخديش بالك من اللى بقولك عليه دا
"سحر" حاضر يا ماما
" ومتهزريش معاه اقدامهم ومتسمحيلوش يهزر معاكى فى وجودهم خافى على ولادك واحترميهم يحترموكى يا بنتى طول عمرك"
"سحر" خلاص يا ماما حاضر متقلقيش وربنا يخليكى لينا تعالى نخرجلهم برا
"سميحه" عاوزه اقولك اخر حاجه
"سحر" اتفضلى يا ماما
"سميحه" الشوق والحب اللى شايفاه فى عينيكى دا ياريت تداريه
"سحر" شوق ايه يا ماما لاء طبعا انا
"سميحه" يا بنتى حقك ولازم تعيشى بس بلاش اقدام ولادك انتى بنتى وخايفه عليها وعلى ولادها
"سحر" حاضر يا ماما حاضر
..................................................
"يحى وهبه بيدخلوا من بوابة العماره شروق واقفه هيا وايه "
"شروق" مش دا يحى وهبه
"ايه" اه هما تعالى ننزلهم بسرعه
"شروق" يلا بينا
"الاتنين داخلين يجروا ...بتقابلهم صباح"
"رايحين فين انتوا الاتنين وبتجروا كدا ليه "
"شروق بفرحه مش قادره تداريها يحى وهبه جم تحت يا ماما هاننزلهم"
"صباح" طيب استنوا البس وانزل معاكو
"ايه" هانسبقك يا ماما
"صباح" هاتنزلوا كدا ان شاء الله فين حجابكوا
"شروق وايه بيبصوا لبعض اه نسينا فعلا يلا نلبس ونغير لبس البيت بسرعه"
...................................................
"مروان قاعد فى مكتبه بيشتغل محاسب فى شركه كبيره فى الخارج"
"كل شويه يفتح الاميل يشوف لميس حنت وردت على اى رساله "
"بس ابدا ولا اى رد"
"يمسك التليفون ويتصل بيها بردوا مبتردش "
"بيحدف الموبايل على المكتب بعصبيه وبعدين معاكى يا لميس تعبتينى اعملك ايه بس علشان تصدقى ان انا اتغيرت "
"ايوه جاتلى فكره اكيد هاتتأكد بيها ازاى انا بحبها وممكن علشان خاطرها اعمل ايه"
.......................................................
"سحر وعاصم وهبه ويحى طالعين على السلم وسابقهم اشرف لشقه عبد العزيز"
"شروق وايه وصباح نازلين على السلم بيتقابلوا الكل مع بعضهم اقدام باب شقه عبد العزيز "
"صباح بتروح لسحر وبتحضنها اوى" يا حبيبتى يا سحر وحشتينى اوى ولاحظه وجود عاصم اتحرجت منه
"صباح" اذى حضرتك
"عاص" حضرتى ايه اخوكى عاصم
"صباح" نورت يا عاصم
"يحى وشروق نظرات متلاحقه ..نظرات يحى كلها لوم..نظرات شروق كلها حب ولهفه وشوق "
"صباح" يلا ادخلوا انتوا عند عبد العزيز وانا والبنات ها نسبأكوا على فوق هانستناكو
"اشرف" ماشى يا صباح ها نحصلك ان شاء الله
"شروق مش قادره تطلع على السلم واقفه هيا وهبه وايه بيسلموا على بعض وعينيها على يحى نفسها تتكلم معاه بس ازاى "
"يحى بيتجاهل نظرات شروق وبيدخل مع عاصم واشرف وسحر لعبد العزيز "
"هبه بتسلم عليهم ما تيجوا معانا ...شروق نفسها تدخل بس نظرات يحى محبطه مش النظرات اللى اتعودت عليها نظرات بهتانه اوى وكلها لوم"
"شروق" لاء معلش يا هبه ها نستناكى فوق
"هبه" ماشى ودخلت وهما طلعوا
.............................................
"عبد العزيز وعاصم واشرف بيتكلموا مع بعض ومنسجمين "
"كنزى اخدت هبه ودخلت اوضتها تفرجها على اللبس وتختار معاها اول طقم هاتنزل بيه الجامعه"
"انجى لسحر بتغمزها" ما تقومى يا سحر ونسيبهم مع بعض عاوزه اوريكى حاجه
"سحر" ماشى يلا
"يحى قاعد بيسمع لكلام عاصم وعبد العزيز وملاحظ حب اهله لعاصم السريع بس مش مستغربه لانه فعلا شخصيه محترمه "
"فارس بيدخلهم الاوضه وواضح عليه الارهاق" السلامو عليكو
"الكل" وعليم السلام
"عبد العزيز" فارس ابنى الكبير هوا اللى هايكون مسئول عن المعرض ان شاء الله
"عاصم وهوا بيسلم على فارس" اه اصلا وسهلا ربنا يباركلك فيه
"يحى قاعد واضح عليه التوتر والضيق لما شاف فارس"
"فارس بيقعد جمب يحى" اذيك يا يحى عامل ايه
"يحى" كويس الحمد لله
"فارس" واخبار شغلك ايه
"يحى" الحمد لله
"فارس بصوت واطى" هوا انت متضايق منى فى حاجه يا يحى
"يحى بأستغرابه من السؤال"وها تضايق منك ليه
"فارس" قوم يا يحى نخرج البلكونه مش هانعرف نتكلم هنا
..............................................
"شروق وايه فى الانتريه بيشيلوا الطرح وبيظبطوا المكان "
"ايه " مالك يا شروق شكلك اتضايق كدا ليه
"شروق" معرفش يا ايه يحى كان بيتعمد يتجاهلنى والنظره الوحيده منه كانت كلها عتاب
"ايه بفرحه" بجد ليه
"شروق" مش عارفه يا ايه بجد انا نفسى مستغربه
"ايه" يمكن بيتهيألك بس
"شروق" طيب خدى انتى بالك لما يطلعوا عندنا وقوليلى
"ايه" ماشى يلا نروح نشوف ماما بتعملهم ايه
.............................................
"خالد وخلود قاعدين فى مطعم بسيط على البحر"
"خالد" ها تتعشى ايه يا خلود
"خلود" لاء يا حبيبى انا مش هاتعشى
"خالد" ليه
"خلود" الساعه 7 يا خالد يدوب امشى وبعدين انت يادوب على ما تروحنى على المدينه وانت تروح السكن هاتبقى 8 او 9 يدوب تنام حرام بتقوم من بدرى
"خالد" الحرام فعلا ان يكون فى وقت يجمعنا سوا وانا اضيعه فى النوم
"خلود" يا حبيبى ربنا يخليكى ليا انا بحبك اوى يا خالد انا قبلك مكنتش عايشه مكنتش اعرف يعنى ايه رعشة القلب اللى بسمع عنها دى
"خالد" يا حبيبتى ربنا يقدرنى دايما واقدر بس اسعدك يارب
"خلود" وجودك جمبى بس لوحده سعاده ليا
"خالد" ربنا يخلينا دايما لبعض يارب وتخلصى السنه دى ونتجوز وتبقى معايا فى كل لحظه من عمرى
"خلود بكسوف " اقولك حاجه
"خالد" سامعك يا حبيبتى
"خلود" انا معاك مبقتش بتكسف ومعاك مش عارفه ازاى اتكلمنا من غير ما يكون فى بينا حاجه رسمى ومعاك بكون مبسوطه ومعاك ممكن استغنى عن كل حاجه فى الدنيا
"خالد" يا حبيبتى انا معاكى بنسى نفسى وعارف انك بتتكسفى اصلا عمرى ما انسى وشك الاحمر يوم المحطه ودموعك اللى نزلت علشان بس ولاد عاكسوكى فاكره
"خلود" ايوه طبعا على فكره اليوم دا زعلت اوى ان مقدرتش اشكرك وكان نفسى اشوفك اوى
"خالد" طيب ليه لما شوفتينى اتكسفتى ووشك احمر تانى
"خلود" مكنتش مصدقه ان بجد شوفتك وان الصدفه العجيبه ابقى انا خلود وانت خالد فرحت اوى لما سمعت اسمك
"خالد" اسمى بس وقام وقف وبيمسك ياقة قميصه يا بنتى انتى ها تتجوزى قمر
"خلود بأبتسامه " وبتبص للناس اللى حواليها اقعد يا قمر الناس بتبص علينا
"خالد" ما يبصوا خليهم كلهم يعرفوا ان انا وبصوت عالى بـــــــــــحبــــــــك
"خلود وشها بيحمر اكتر" انت اجننت يلا نمشى
.....................................................
" يحى وفارس واقفين فى البلكونه فارس ساند على السور ووشه لبره ويحى قاعد على كرسى "
"فارس بصوت هادى ورزين" انا عارف انك بتحب شروق وعلى فكره وهيا كمان ليه مبتتجوزوش
"يحى" انت بتقول ايه
"فارس" بقولك ليه مبتتجوزوش
"يحى" واللى بينك وبينها ؟؟
"فارس" كل اللى بينى وبينها اخوه
"يحى" انا شوفتكوا سوا فى المطعم يا فارس وماسك ايديها
"فارس" كنت بعترفلها بحبى وان نفسى اتجوزها بس هيا رفضتنى وصرخت فى وشى وقالتلى مش هاكون غير ليحى
"يحى قلبه بيدق بسرعه" بجد يا فارس بجد شروق بتحبنى
"فارس" ايوه بتحبك ومش شايفه فى الدنيا حد غيرك
"يحى بيقوم من على الكرسى وبيحضن فارس" انا بجد مش مصدق اللى بسمعه انا بحبك اوى يا فارس
"فارس" بأبتسامه مصطنعه وانا كمان بس ياريت متستنوش بقى وتتقدملها انا مش شايف حاجه تمنع
"يحى" ايوه طبعا طيب انا هاطلع عندهم بقى اسلم على خالتو صباح
"فارس" يحى انت طيب اوى
"يحى" ربنا يخليك بس ليه بتقول كدا
"فارس" علشان انا قولتلك ان انا بحبها وكنت بتقدملها وانا عارف انك بتحبها ومزعلتش
"يحى" لاء يا فارس زعلت بس انت اخويا واحنا ملناش غير بعض انا وانت ومروان كل واحد فينا مالوش اخ يبقى كلنا لازم نكون اخوات لبعض ومشاعرنا مش بأيدينا انت زى ما انت عندى
"فارس " انت قلبك حلو اوى يا يحى قلب نادر مش موجود فى الزمن دا
"يحى" الله يخليك افضل بقى اتكلم وعطلنى انت .. يلا انا طالع
..............................................
"اسماء قاعده لوحدها سمعت صوت على السلم"
"ياترى مين طالع "
"بتبص من العين السحريه "
"شافت سحر وعاصم ويحى واشرف وهبه بيدخولوا عند صباح وفضلت متبعاهم لحد الباب اتقفل"
"يادى الهنا الكل مجتمع يعنى وسحر متشيكه وجيبالى جوزها وعيالها وجايين الا ما فكروا يخبطوا عليه "
"مسكت الموبايل" الو ايوه يا مراد
"مراد" ايوه يا اسماء عندى زباين كتير مش فاضى
"اسماء" اختك وجوزها هنا طالعين شقه شقه ومخبطوش عليه حتى يقولولى اذيك
"مراد" كل واحد حر تعمل اللى هيا عاوزاه ويلا بقى اقفلى مش فضيلك وبقولك ايه طلعى بقى اخواتى من دماغك
"اسماء" كدا يا مراد بردوا دا بدل ما تقولى غلطانه
"مراد" انا قولتلك طلعى اهلى من دماغك يا اما مش عجبك عندك بيت ابوكى
"اسماء بسهوكه" خلاص يا حبيبى على رأيك اللى يخبط يخبط واللى ميخبطش ان شالله ما خبط
"مراد" انا مش فضيلك سلام
"اسماء بسرعه " مراد
"مراد" ايه تانى
"اسماء" بحبك
"مراد" يلا سلام
"اسماء بتبص للموبايل بغيظ بترميه على كرسى الانتريه وبتجرى تسمع من شباك المسقط "
............................................
"يحى قاعد عينيه بتحكى اللى فى قلبه "
"شروق" عينيها على يحى ومستغربه نظرة الحب اللى شيفاها تانى فى عينيه
"يحى بيجيله مسج"معلش يا خالتو ممكن اخرج البلكونه جايلى فى اتصال مهم لازم اعمله
"صباح" بيتك يا حبيبى اتفضل
"صباح" انت نورتنا والله يا استاذ عاصم
"عاصم" والله دا نوركوا انا مبسوط ان بجد بقيت من عيله متحابه ومحترمه ذيكوا
"سحر بتبتسم لعاصم وهوا بيردلها نفس الابتسامه رجعت افتكرت كلام مامتها حاولت تفتح اى موضوع "ايه عامله ايه يا حبيبتى بتذاكرى
"ايه عينيها على شروق اللى اتسحبت وراحت ليحى البلكونه" اه يا خالتو الحمد لله كله تمام
"سحر"ربنا معاكى يا حبيبتى
"صباح" معرفش دبلومة ايه دى كمان اللى عاوزاها مش كفايه الجامعه
"سحر" لاء يا صباح شجعيها العلام مش وحش
"صباح" يلا ربنا يسهل
........................................
"شروق بتدخل بشويش ليحى البلكونه بتدور مش لقياه واقف على السور خالص"
"يحى مستخبى وراها قرب منها بسرعه وشدها ليه "
"شروق فى حضن يحى فى ايه"
"يحى" فى ان انا بحــــــــبك وبيحضنها اقوى
.............................
.............................
gamilaaaaaa ,,,, kol youm 7l2a wla eh ?
ردحذفSindrella Lolo
gamilaaaaaaaaa,,, kol youm 7l2a wla eh ,,,
ردحذفSindrella lolo
ayoa ya lolo kol yoom 7l2a isa w atmna y3gboki daymn isa :D
ردحذف