اسماء" بتفتح شقتها بعد ما طلعت على السلم بهدوء علشان محدش يحس بيها وهيا طالعه
"بتدخل بهدوء"
"مراد بيخرج على صوت فتح الباب" مين انتى ايه اللى جابك
"اسماء" بـأبتسامه وحشتنى
"مراد بقرف" وانا مش عاوزك ولا عاوز اشوفك
"اسماء بدلع" واهون عليك انا وسها وابنك اللى جاى
"مراد" ابنى ليه انتى حامل
"اسماء" اه يا وحش وانت مسألتش فيا ولا فى ابنك خالص دا انت طلعت قلبك قاسى اوى
"مراد بعصبيه" انتى بتدلعى كدا ليه وايه المياعه بتاعتك دى
"اسماء" ما انت كنت بتعشقك دلعى دا ولا نسيت
"مراد" بقولك ايه انا مش طايقك انتى كرهتينى فى اهلى وكرهتيهم فيا
"اسماء بتقرب منه وبتحضنه" انا اسفه يا حبيبى معدش هازعلك تانى ابدا سامحنى
"مراد مستغرب اسماء وانها بتترجى فيه كدا علشان يصالحها عمرها ما حصلت" وبصوت هادى وهيا فى حضنه ايه اللى حصل وراجعه طيبه كدا
"اسماء بهمس وهيا بتبوسه من خده" بحبك يا حبيبى ووحشتنى
"مراد" وانتى كمان وحشتينى
........................................................
"هبه واقفه تبص على ادهم وعربية الاسعاف شيلاه مافيش دم نازل منه غير بسيط بتفوق وبتجرى عليه قبل ما يقفلوا باب الاسعاف"
"استنوا "
"الممرضين" فى ايه
"هبه واقفه عينيها على ادهم "
"الممرضين" انتى تعرفيه
"هبه" ايوه خطيبى وطلعت بسرعه قعدت جمبه وهيا بتكلم
"هبه "عينيها على ادهم وبتعيط وبتمسك ايده
"الممرض" متخافيش الخبطه مقصرتش عليه اوى وهاتطمنى ان شاء الله لما تروحى المستشفى
"هبه" يارب خليه ليا ومتحرمنيش منه
...................................................
"عاصم قاعد فى اوضته بيبص لصورة مراته"
"يا ترى انا غلط ان انا اتجوزت بعدك "
"بس انا كان نفسى فى عيله اوى ...بس سحر عنيده اوى ..انا اسف ان انا بحكيلك بس ماليش حد تانى احكيله ..تعبت اوى "
.....................................................
"لميس بترد على تليفونها الو "
"بضيق" ايوه يا خالد
"خالد" ايوه ايه ايه اللى قولتيه دا وفين خلود قافله تليفونها ليه
"لميس" اتكسر انا كسرته
"خالد" كسرتيه !! هوا فى ايه بالظبط
"لميس" انا قولتلك يا خالد فيه ايه وبعدين انا اتسرعت فى تصرفى مع خلود لما تكلمها اعتذرلها بالنيابه عنى
"خالد" ليه هيا مش معاكى فى الاوضه
"ولا فى الجامعه هيا سابت البلد كلها ونزلت مصر"
"ماشى يا لميس بصى انا عارف ان مروان غلطان وانا اكيد ليا كلام معاه بس مش معنى كدا انك تعملى اللى عملتيه فى خلود مش من حقك "
"خلاص بقى يا خالد والنبى مش طالبه معايا خالص اتكلم دلوقتى "
"خلاص لازم اكلم خلود بأى طريقه دلوقتى وانتى لازم تراضيها ماشى "
.........................................................
"مروان فى اوضته بيصلى بخشوع وندم وتليفونه بيرن سلم وقام شاف مين بيتصل "
"شاف رقم خالد كتم الصوت وبيتكلم وهوا بيبص لتليفون "
"ياترى عاوز ايه ممكن تكون لميس قالتله "
"انا ازاى عملت كدا بس ازاى قدرت اعمل كدا
"الاتصال بيتكرر ضغط على الرد بصوت ضعيف الو"
"خالد" ايوه يا مروان ايه اللى انت عملته دا
"مروان" هاتصدقنى انها لحظة شيطان وان انا فعلا مش عارف عملت كدا ازاى وبجد ندمان جدا
"خالد" هاصدقك بس هاتصلح موقفك ازاى لميس كرهتك جدا واتخانقت مع خلود
"مروان" هاسافرلها بس يارب ترضى تكلمنى
"خالد" هاجى معاك
"مروان" بجد هاتيجى معايا انت طيب اوى يا خالد واحد غيرك كان اتصرف تصرف تانى
"خالد" انا شاب زيك وعارف ان لحظات الشيطان كتيره بس اتغلب عليها دايما بقربك من ربنا
"مروان" بجد متشكر يا خالد متشكر جدا
"خالد بأحراج لو سمحت خلود عامله ايه وهاجى امتى اتقدم يا مروان
"مروان" انا مسافر بكره للاسف يا خالد وهانزل دلوقتى اسافر للميس بس يارب ترضى تسامحنى
"خالد" ان شاء الله بس مش هاتعرف تكلم عمو قبل ما تسافر
"مروان" لاء طبعا هاكلمهم ان شاء الله بكره اطمنك
"خالد بفضول " صحيح هيا خلود مع لميس ؟؟
"مروان " لاء اتخانقت مع لميس ورجعت
"خالد" خلاص خليها تيجى معانا نرجعها ولما لميس ها تشوفها ممكن تهدى وخصوصا انها ندمانه على اللى عملته معاها
"مروان" يعنى انت عارف انهم اتخانقوا وانها هنا
"خالد بتوتر" لاء معرفش غير انهم اتخانقوا بس
"مروان" ماشى هاقولها واشوفك كمان ساعه عند الموقف
"خالد" ماشى سلام
............................................................
"شروق اتصلت بسحر وبعد رنه طويله ردت"
"شروق"الو اذيك يا خالتو
"سحر بصوت مصطنع للفرحه" اذيك يا حبيبتى عامله ايه ايه المفاجئه الحلوه دى
"الحمد لله يا خالتو والله انا بخير ممكن العنوان بتاع بيتكوا "
"سحر" اكيد يا حبيبتى اتفضلى
"ماشى يا خالتو ان شاء الله هاستأذن ماما واجيلكوا النهارده او بكره انتوا بتكونوا موجودين امتى "
"انا دايما موجوده يا حبيبتى "
"و"
"سحر فهمتها" يحى وهبه بيكونوا موجودين فترة العصر للعشا
"شروق ماشى يا طنط ان شاء الله والف مبروك مع انها متأخره معلش "
"سحر" ولا يهمك يا حبيبتى عقبال ما افرح بيكى
................................................
"يحى فى المصنع واقف متضايق..مخنوق ..قلبه مكسور "
"العمال" احنا خلصنا نزول البضاعه يا استاذ حاجه تانيه
"يحى" لاء خلاص ارجعوا انتوا على المصنع خلاص
.................................................
"شروق بتدخل بيتهم ماما يا ماما "
"صباح بتخرج من المطبخ وفى ايديها مغرفة الاكل فى ايه "
"شروق واقفه مكانها " ممكن اروح لطنط سحر
"صباح" لاء طبعا تروحى فين
"شروق" والنبى يا ماما مش هاتأخر
"صباح" بقولك ادخلى جوه مافيش مرواح لحته غير ورجلى على رجلك
"طيب اخد مروان واروح "
"مروان وخلود سافروا اسكندريه"
"شروق بحزن" بجد!! ايه النحس دا طيب البسى وتعالى معايا انتى يا ماما
"صباح" انتى يا بت فى ايه ايه السربعه دى فى ايه
"شروق لاحظة انها مزوداها" يا ماما علشان خاطرى هبه وطنط سحر وحشونى اوى
"صباح" خلاص هابقى اكلم سحر ونرحلهم فى اى يوم
"شروق" لاء يا ماما النهارده علشان خاطرى
"صباح" ادخلى اوضتك يا بت انتى يلا انتوا ايه حكايتكوا النهارده واحده بتحبلى واحد وبتكلمه وواحده جت واخدت اخوها وسافرت وبكره سافره وانتى جيالى هاتتهبلى على مرواحك لخالتك هاتجننونى
"شروق كل اللى استوقفها " هيا مين اللى بتحب
"صباح بغيظ" امشى يا بت من وشى بدل ما احدفك بالمغرفه والله
"شروق" خلاص خلاص وقلعت الشوذ ودخلت اوضتها وهيا متضايقه
.......................................................
"سحر رايحه جايه ويحى وعاصم قاعدين على السفره"
لالالالالالالا انا كدا قلقت بجد
"يحى " بيقوم من على السفره وبيروحلها يا ماما هاتلاقيها بس فى محاضره وعامله التليفون صامت
"سحر" محاضرة ايه اللى لحد دلوقتى
"يحى بقلق عارف انها اتأخرت" خلاص يا ماما هاتصل على تليفون ادهم اشوفها يمكن معاه ونسيت نفسها
"ماشى يارب استرها "
"يحى بيتصل ومش لاقى اى جواب "
...........................................
تليفون مرمى على الارض بيرن بدعاء دينى
"عامل النظافه اللى فى الشارع بيمسكه وبيفتحه" الو
.............
"يحى" ايوه يا ادهم
"عامل النظافه" ايوه يا بيه انا مش صاحب التليفون دا
"ادهم" انت مين
"عاصم وسحر بيقربوا من يحى يسمعوا وقريبين لبعض اكتافهم متلامسه"
"العامل" انا واحد لقيت التليفون فى الشارع بيرن
"يحى" اه طيب متشكر
"العامل" لو تعرف صاحب التليفون يا بيه قولى وانا اقابلك تديهوله
"يحى" ماشى حضرتك مكانك فين
"العامل " وصفله المكان
"طيب هاجى لحضرتك اخده حالا
"سحر" بنتى بنتى حصلها حاجه انا حاسه
"عاصم صعبان عليه سحر "
"يحى" لاء متحافيش يا ماما ها تبقى كويسه هاروح المشوار دا ولما ارجع لو مرجعتش نبدأ ندور عليها
"سحر بدموع" يارب
"يحى " مشى
"عاصم واقف جمب سحر " متقلقيش ها تبقى كويسه
"سحر"يارب ودموعها بتزيد
"عاصم بيمسك ايدها وهيا بتحطها على وشها تدارى دموعها "
"انا جمبك وانا واثق ان هبه بخير "
"سحر ارتمت فى حضنه انا ماليش غيرهم يا عاصم ماليش غيرهم"
"عاصم" وقع اسمه من بؤها غريب عليه بس لمس قلبه كأنه اول مره يسمع اسمه
"عاصم" بيلف ايده عليها وبيحضنها اكتر" وانا مسئول ارجعها يا سحر
...........................................................
هبه مع ادهم فى المستشفى الممرض بيقرب منها
"الممرض" حضرتك تبقيله ايه
"هبه" خطيبته
"الممرض" طيب ممكن تمليلنا البيانات دى
"هبه" دا وقته مش لما اطمن عليه
"الممرضه بتخرجمن اوضة الكشف"
"بتجرى عليها هبه" طمنينى ابوس ايدك
"الممرضه " اطمنى والله اصابه بسيطه وخلاص ربطنا دماغه وعملناله اشعه وطلع كويس بس لازم يفضل 24 ساعه تحت الملاحظه
"هبه" الحمد لله طيب فاق يعنى
"الممرضه" لسه بس حضرتك ممكن تدخليله
"هبه" اه اه ادخله
...........................................................
"يحى بيقف بالعربيه وبيسأل السواق متهيألى كدا ان هوا عامل النظافه دا"
"السواق" انزل انا يا فندم
"يحى" بلاش يا فندم دى يا عم محمود قولى يا محمود يا بنى معلش
"السواق بأحراج" العين متعلاش عن الحاجب"
"يحى" انت اد ابويا وانا زى زيك كلنا ولاد حوا وادم كلنا بنسبح فى ملكوت الله
"السواق" ربنا يكرم اصلك يا بيـــ
"يحى" ها
"السواق" يابنى
"يحى بينزل من العربيه " ايوه كدا هاشوف كدا وارجعلك
.........................................................
سامى فى الاوضه المجاوره لاوضه ادهم نايم على السرير ومتعلقله محلول وعينيه ملفوفه
"الدكتوره" ها ايه الاخبار يا سامى
"سامى" الاخبار عندك انتى يا دكتوره
"الدكتوره" العمليه هانعرف نتيجتها لما نفك الرباط
"سامى" هانفكه امتى بس
"الدكتوره " بعد اسبوع ان شاء الله
"سامى" ياااه اسبوع كتير اوى كدا
"الدكتوره" هوا اى كلام يا استاذ سامى دى عمليه
...........................................................
"اشرف بيدخل قسم البوليس وبيسأل عسكرى على الظابط"
"اشرف" لو سمحت الرائد منير موجود
"العسكرى" لاء للاسف الرائد منير الله يجحمه مترح ماراح اترفد
"اشرف" حرام عليه استغفر الله العظيم ليه بتقول كدا شكله كان راجل طيب
"العسكرى" دا كان راجل معندوش لا زمه ولا ضمير وكل شغله غلط
"اشرف" بجد
"العسكرى" انت تعرفه ولا ايه
"اشرف" لاء كنت عاوزه عادى متشكر بعد اذنك
"اشرف ماشى يا حول الله يارب هوا ايه بيحصل فى البلد"
..................................................
هبه واقفه اقدام ادهم مستنيه يفتح عينيه
"الدكتور للممرضه" لو سمحتى اول ما يفتح عينيه تعاليلى الاوضه
"هبه بتمسك ايد ادهم" فتح عينيك بقى يا حبيبى
"ادهم" بيفتح عينه " اه اه دماغى
"الدكتور كان لسه على باب الاوضه رجعله تانى"
"ادهم" انا فين
"هبه" انت فى المستشفى يا حبيبى
"ادهم بيبص لهبه بأستغراب " حبيبى ..انتى مين
"هبه" ادهم
.............................................
.............................................
ليست هناك تعليقات:
إرسال تعليق