"اشرف واقف دموعه محبوسه فى عينيه"
"الدكتور بيخرج بأسى"
"الكل واولهم اشرف بيجرى عليه" طمنى ابوس ايدك يا دكتور"
"الدكتور بحزن" انا اسف يا جماعه جنين نزل الجنين التانى مش ثابت هاينزل فى اى لحظه
"اشرف بيسند على الحيطه وسمح لدموعه المحبوسه بالنزول"
"صباح بتعيط" لا حول ولا قوة الا بالله
"اشرف ساكت مبيتكلمش"
"عبد العزيز وانجى مندهشين مش مصدقين لسه الموقف اللى هما فيه"
"أنجى بتحاول تتكلم" يعنى يا دكتور مافيش امل ترتاح وكدا
"الدكتور" انا اسف بس الخبر الاسوء عندى ان المدام نفسيتها مدمره وقلقان عليها
"اشرف" لاء يا دكتور المهم منى
"الدكتور اللى متابعه حالة منى بتجرى عليهم فى ايه "
"اشرف" منى يا دكتوره تعبانه وولادنا ومقدرش يكمل
"الدكتوره بتوجه كلامها للدكتور وبتكلموا سوا بمصطلحات مش مفهومه"
"الدكتوره بقلق" اطمنوا انا هادخلها وان شاء الله ربنا معانا
..................................................
"ايه داخله على شروق الاوضه وهيا بتتصنع الابتسامه"
"شروق ماسكه كتب وبتحاول تذاكر فيها "
"ايه بتفتح الكمبيوتر"
"شروق بتتجاهلها تماماً "
"ايه عاوزه تتكلم مع شروق بس مش عارفه تبدأ ازاى"
"شروق كل شويه تخطف نظرات للموبايل نفسها تشوف رنه ليحى او مسج "
"ايه بتبص لشروق"شروق مش فارس هوا كمان طلع بيحبنى واعترفلى بحبه النهارده
"شروق بعدم تصديق"ايه متتعبيش نفسك انا واثقه فى احساسى من حبك ليحى صارحينى والله مش هايحصل حاجه
"ايه بأستغراب" ازاى مش ها يحصل حاجه يعنى
"شروق" يعنى انا بحب يحى اه بس انا بحب اختى اكتر ومافيش انسان هايخلينا نكره بعض
....................................................
"سحر واقفه اقدام اوضة عاصم بتخبط"
"عاصم بصوت مكسور "ايوه
"سحر" الغدا يا عاصم
"عاصم بيبعد عينه عنها" ماليش نفس وقام وقف انا خارج شويه
"سحر" انا عارفه انك زعلان منى بس انا مش هاقدر احرج ولادى على كبرهم يا عاصم افهمنى وحط نفسك مكانى
"عاصم بثوره لاول مره" وانتى ليه متحطيش نفسك مكانى انا انسان عشت طول حياتى اتمنى ابن ليا ويوم ما ربنا يحققلى حلمى عاوزه تحرمينى منه
"سحر ساكته مش قادره تجادله اقدام عصبيته اللى اول مره تشوفها"
"عاصم بيسيبها وبيخرج وبيخبط فى كتفها بترجع لورا "
"سحر واقفه مذهوله من عاصم اللى اول مره تشوفه وتشوف العصبيه اللى هو فيها واقفه منكمشه وخايفه منه"
.......................................................
"لميس بتدخل الاوضه "
"لميس" يا خوخا وبتجرى عليها وحشتينى اوى اوى
"خلود بحزن" وانتى كمان يا لميس وحشتينى
"لميس" مالك يا خلود شكلك معيط!
"خلود كلمه لميس بكتها اكتر" انا تعبانه اوى يا لميس
"لميس " مالك فيكى حاجه بتوجعك
"خلود" قلبى
"لميس" خالد عملك حاجه
"خلود" طلع انسان انانى مبيحبش غير نفسه
"لميس" خالد ليه عمل ايه بس احكيلى
"خلود" انا هاقولك المشكله او اللى عملها مشكله ...................
"لميس" وليه كل دا فيها ايه لما متتصليش بيه يعنى
"خلود بدموع" قوليلى انتى بقى
"لميس" معلش يا خلود هو يمكن حابب يحس انه اهم حاجه عندك فى الدنيا
"خلود" والله وهو كدا فعلا بس انا اتلهيت فى شروق انتى متعرفيش كلنا اتخضينا ازاى
"لميس" حقكوا معلش يا خلود انا هاتكلم معاه متزعليش
"خلود" لاء يا لميس متتكلميش معاه هوا لو حابب يكلمنى هايتكلم هو
"لميس" خلاص يا خوخا قومى ننزل متفضليش تعيطى كدا
"خلود" لاء انا هاذاكر لو معاكى محاضرات هاتيها
"لميس" انا لازم اسافر بابا وطنط ساميه عاوزنى
"خلود" عاوزينك ازاى يعنى اول ما ارجع انتى تمشى وتسيبينى لوحدى
"لميس" معلش يا خوخا انا والله ما عارفه فيه ايه
"خلود" خلاص يا حبيبتى اكيد كل خير
"لميس" ماشى بس روءى بقى علشان خاطرى عاوزه اشوف ضحتك قبل ما امشى
.....................................................
"يحى بيشيل مفاتيحه من على المكتب وبياخد الموبايل بيدور فيه "
"ايه اللى حصل معقول كل دا ومتسأليش عليه يا شروق ايه القسوه دى "
"اخد مفاتيحه ومشى وهوا حزين مش عارف ليه فرحته اتكسرت كدا وليه تغير شروق دا "
.................................................
"هبه وادهم ماشيين فى الشارع"
"ادهم ماشى حزين" والله يا هبه انا حزين اكتر منك ان انا مش قادر احس بوجودك جمبى
"هبه" خلاص يا ادهم متضعطش على نفسك اكتر من كدا بس هاسألك سؤال
"ادهم" اتفضلى
"هبه" انا الفت انتباهك يعنى ممكن تحبنى فى حالتك دى ولا لاء
"ادهم بأستغراب للسؤال" ليه بتقولى كدا
"هبه" جاوبنى بس معلش
"ادهم" ايوه طبعا انا اصلا مشدود ليكى وبرتاح اوى معاكى
"هبه" خلاص يبقى متفقين
"ادهم" على ايه
"هبه" اننا نبدأ من اول وجديد سوا موافق
"ادهم" وانتى ذنبك ايه علشان تستحملى كدا
"هبه" ذنبى ان بحبك ومش قادره اشوف غيرك وانا فعلا من غيرك اموت
"ادهم بسعاده " انا بجد مش مصدق انك بتحبينى اوى كدا يا هبه
"هبه بسعاده" حاسه شايفه ادهم حبيبها القديم " انا بحبك اكتر مما تتخيل
.........................................................
"يحى بيدخل الفيلا "
"سحر بتتقابل بيه" يلا يا حبيبى الغدا جاهز
"يحى" ماليش نفس ا ماما هاطلع اريح شويه وانزل الشغل
"سحر" ليه بس مالك يا حبيبى انت مش شكل واحد لسه خاطب امبارح
"يحى" معلش يا ماما لما اعرف فى ايه هاقولك
"سحر" هوا فى ايه بس النهارده
"يحى" ليه حاجه حصلت
"سحر بأحراج" ها مافيش
"يحى" ماشى انا هاطلع بعد اذنك
"سحر" طيب علشان خاطرى تعالى كل اى لقمه كدا
"يحى " اقدام توسلات سحر حاضر يا ماما
................................................................
"عاصم راكب العربيه وهوا اللى بيسوق اعصابه تعبانه"
"ليه بس يا سحر فكرتى فى الحل دا ليه مفكرتيش تسعدينى انا مش زعلان ان ولادك مهمين بس كان نفسى احس ان انا كمان مهم عندك"
"عاصم بيسوق ومش متمكن اوى فى السواقه بقاله سنين مش بيسوق "
"كذا مره كان ها يخبط حد "
"انا حزين اوى من جوايا عمرى متوقعت ان انا اكون بالمعزه دى عندها كنت فاكر ربنا عوضنى بيها "
"عاصم بيسوق بتهور بيتصدم بعربيه كبيره جدا "
الناس بتجرى مهروله "لا حول ولا قوة الا بالله العربيه اتكسرت
"راجل" من الموجودين اكيد اللى جواها اتفرم ياعينى
"واحد تانى" طيب حد يطلب الاسعاف بلغوا
..............................................................
"اشرف واقف دموعه ماليه عينيه بعد ما الكل مشى مفضلش غيره وعبد العزيز "
"ام منى ووالدها بيجروا مهرولين" بنتى يا اشرف عامله ايه
"اشرف" ادعيلها يا طنط ادعيلها
"الام بخوف" ليه مالها قولى وحياة ربنا ما تخبى عليه بنتى حصلها ايه
"الدكتوره بتخرج على الصوت " فيه ايه
"الام بتجرى عليه" منى بنتى فين حصلها ايه
"الدكتوره" ادعيلها يا حاجه هيا كويسه والله بس محتاجه تستنى عندنا شويه
"اشرف عارف ان الدكتوره بطمنهم"
"الاب بياخد الام بيهديها" تعالى يا ام منى نقعد وندعيلها
"الام مستسلمه حزينه دموعها بتصرخ بخوفها على بنتها"
.........................................................
"صباح بتدخل لسميحه وهيا نايمه"
"سميحه " طمنينى يا بنتى ربنا يطمنك
"صباح" اطمنى يا ماما كله تمام ومنى كويسه
"سميحه" والاطفال اللى فى بطنها
"صباح بكدب" كويسين اطمن يا ماما
"سميحه" مش قادره اصدقك يا صباح قوليلى الحقيقه
"صباح بتقوم وبتبعد عنها علشان عارفه ان دموعها هاتفضحها " فين الدوا يا ماما اشرف قالى اديهولك
"سميحه" ربنا يكرمه حتى وهو بعيد عنى شايل همى ربنا يقومله مراته بالسلامه ويفرح قلبه يارب
"صباح بدموع وهيا ضهرها لسميحه" يارب يا ماما ايوه ادعيله
"سميحه" دعياله ودعيلكوا كلكوا انتوا وولادكو
"صباح بتمسح دموعها بسرعه وبتتدور لسميحه" فين الدوا يا ماما
"سميحه" اهو يا بنتى
...................................................
"ملك وكنزى طالعين بيت على انه بيت ملك"
"كنزى" ما كنت استنيتك تحت يا ملك
"ملك" لاء عاوزه اعرفك على ماما
"كنزى" ماشى بس يلا هانتأخر على الكورس
"ملك" على ما اجيب الورق تكون ماما اتعرفت عليكى ونمشى
"كنزى" ماشى
"ملك " هه وصلنا وبتضرب الجرس
"كنزى" انتى ممعاكيش مفتاح ولا ايه
"ملك" لاء ماما مش راضيه تديلى من كتر ما ضيعت مفاتيح
"كنزى قاعده فى انتريه شيك مستنيه ملك ومامتها "
"بتبص حواليها الشقه فاضيه وهاديه اوى "
"ملك فى اوضه تانيه بتكلم مع ولد" جبتهالك لحد هنا
"بجد بس هيا رضيت على طول كدا وانا كنت فاكره مؤدبه بقى وحركات"
"ملك" يابنى مافيش بنت تكسر كلامى بس هات الفلوس
"لاء لما اقعد معاها الاول"
"ملك" هاتقعد معاها على اساس اخويا انا مفهماها ان دا بيت اهلى وكدا
"يعنى ايه هيا جايه بمزاجها وعارفه وراضيه "
"ملك" اه بس هيا قالتلى هاتمثل دور المؤدبه علشان تجوزها بس على اساس انك اخويا بقى وبتشتغل طيار ماشى
"اوبا جواز فينا من كدا دا انا بحب شغل الافلام دا اوى"
........................................................
"شروق بتكلم مع ايه" والله يا ايه متخافى قوليلى اللى جواكى محدش هايحس بيكى ادى
"ايه بضعف" انا
"شروق" قولى يا ايه احنا اخوات وملناش غير بعض انا وانتى مع بعض مافيش انسان يفرقنا لازم اعرف علشان خاطرى
"ايه دموع بتناجى عينيها" انا فعلا
.......................................................
.......................................................
انتظروا الحلقه الاخيره سوم السبت ان شاء الله ...
منتظره علي ناااااااااااااااااااااار
ردحذفعاوزه لينك الصفحه غلي الفيس
https://www.facebook.com/pages/%D8%AD%D9%83%D8%A7%D9%8A%D8%A9-%D9%85%D9%86-%D9%88%D8%A7%D9%82%D8%B9-%D9%86%D8%B3%D9%85%D8%A9/366746703418880 دا اللينك واسمها حكايه من واقع نسمه ...
ردحذف