اسرار الحياة ... الحلقة الثانى عشر

الحلقه 12
.............
عمرو بيجرى على اوضه بسمه 

بسمه مفتحه عنيها بس لسه مش مدركه اللى حواليها

عمرو بيقرب منهاوهيا نايمه ... بسمه حبيبتى انتى مفتحه انا مش مصدق انك رجعتيلى

تانى

عـ عمـ عمرو

بسمه انا جنبك اخيرا يا بسمه اخيرا ودموعه نزلت

الممرضه لو سمحت روح للدكتور يا استاذ عمرو هوا مستنيك

عمرو باس ايد بسمه وسابها وخرج وقلبه ها يقف من الفرحه

عمرو بيخبط على الباب

الدكتور اتفضل

عمرو بيفتح الباب وبيدخل

اتفضل يا استاذ عمرو

خير يا دكتور

خير ان شاء الله انت طبعا عرفت ان انسه بسمه فاقت

ايوه الحمد لله

انا عاوز اعرفك انها محتاجه معامله خاصه جدا

اكيد فاهم

لاء انت مش فاهم هيا بقالها فتره كبيره اوى معتزله عن الحياه هاتحتاج معامله خاصه

 زى اكلها لبسها وانت عارف الباقى

عمرو ان شاء الله يا دكتور هاخلى بالى من كل حاجه هيا بس ترجع تنورلى حياتى

الدكتور :ربنا يخليكوا لبعض دايما

يااارب يا دكتور بس لو سمحت هيا ممكن تخرح امتى

هانعملها تحاليل ونتأكد من سلامتها وان شاء الله تخرج فى اقرب وقت

يااارب ربنا يخليك يا دكتووور

عمرو بيفكر هايعمل ايه ودفنة روان .... وبسمه اللى المفروض يكون جنبها فقرر يتصل

باسلام يسأله يعمل ايه

بس افتكر انه نسى موبايله فى البيت من فرحته ببسمه

قرب من الممرضه :لو سمحتى انا هاروح البيت ومش هاعرف اجى غير على بكره بليل اوى

متقلقش يا استاذ عمرو انسه بسمه فى عينيه

ربنا يخليكى

....................................................................................................
كريم فى اوضته بيتصل بالتليفون رايح جاى مش عارف عمرو مبيردش ليه

انت فين بس يا عمرو مبتردش ليه ماهو مش معقول تكون نمت

كريم زهق من كتر الاتصال ومافيش رد

ساب التليفون على المكتب و متضايق مش عارف يعمل ايه

نام على السرير انا هانام والصباح رباح

كريم نايم بيفكر فى سمر واد ايه جميله وعنيها حلوه

ولسه عينه بتفكر فى النوم الموبايل رن

اسم عمرو ظاهر على الشاشه رد بسرعه

ايه يا عمرو كنت فين

ليه يا كريم فى حاجه ايوه اختى نورهان فى واحد بيهددها

ومفبرك ليها صور عاوز اربيه

سهله يا كريم متقلقش هاتلى بس كل حاجه عنه وانا ها خليه يندم ان فكر يقرب منها

ربنا يخليك يا عمووور مش هاتقولى كنت فين بقى

عمرو بفرحه انا كنت فى المستشفى بسمه فاقت

بجد

ايوه والله يا كريم انا مبسوط اوى اوى

والله وانا كمان ياعمرو ربنا يخليكوا دايما لبعض يارب والف حمدلله على سلامتها

الله يسلمك وموضوع الولد دا متشغلش بالك بيه اعتبره انتهى وبالطريقه اللى تعجبك

هاتعمل ايه يعنى يا عمرو

ها خليه يندم طول حياته متقلقش

ماشى يا عمرو انا هروح اطمن نورهان والف مبروووك تانى ان بسمه رجعت لنا بالسلامه

الله يسلمك يا حبيبى اشوفك الصبح

اكيد ان شاء الله

كريم بيخبط على باب اوضه نورهان

نورهان بتفتح الباب وبيقفوا سوا انتى نمتى

لاء انا لسه صاحيه خير يا كريم فى حاجه

ايوه خلاص يا نور اعتبرى موضوع الولد الحيوان دا انتهى بس بعد كدا لا هاى ولا باى

نورهان بكسوف حاضر اكيد والله وعينيها فى الارض بس ها تعمل ايه

خلاص متقلقيش بقولك يلا تصبحى على خير وسابها ورجع اوضته

نورهان خايفه ومبسوطه المشاعر جواها متداخله بس الاحساس الاكيد انها مرتاحه

.................................................................................
امير قاعد على كرسى متحرك وجنبه عمرو وكريم وتامر واسلام ومحمود
قاعدين فى بدايه السهره بتاعت روان امير دموعه مش بتنزل لو نزلت يرتاح بس نشفت

من كتر دموع اليومين اللى فاتوا كريم وعمرو واسلام ومحمود وتامر وابراهيم معاههم

كل لما حد يقرب منهم يقفوا يسلموا ويقعدوا تانى

العزا خلص والناس مشيوا والاصحاب مع بعض

عمرو:امير يا حبيبى اجمد مينفعش كدا علشان خاطر مريم

امير: سكوووووووووووووت

كريم:طيب اقولك على مفاجئه يا امير بسمه فاقت تصدق

بس ما فيش اى رد فعل

تامر:بيحاول يلطف الجو هيا مريم عندها اد ايه دلوقت يا امير

امير بدأ يتكلم ها تدخل حضانه السنه الجايه

اسلام بأبتسامه ما شاء الله عروستى كبرت

عمرو:عروستك ايه دى عروستى انا

كريم انتوا بتتخانقو ليه احنا ها نخليها تختار واكيد هاتختارنى شاب زى القمر دا انا السقا

عمرو بسخريه:السقا ابوك السقا مااات

امير بص ليهم ودموعه نزلت بعد ما كانت رافضه النزول

مريم بتنزل جرى من على السلم وقعت على وشها ناديه بصراخ حسبى يا مريم ..مريم

امير قام يجرى على صوت ناديه

تامرومحمود وكريم وعمرو واسلام واقفين مش مصدقين ان امير بيجرى اقدامهم

امير شال مريم وفضل يبوس فيها سلامتك يا حبيبتى انا اسف ان سبتك تقعى

مش ها سيبك تانى ابدا

فاتت 3 شهوووور

امير بيحاول يتأقلم على حياته من غير روان بس مش قادر كل يوم بينام وصورها فى حضنه

مريم عايشه معاه برغم تحايلات مامته وحماته عليه بس هوا موافقش وجبلها بيبى سيتر

 تخلى بالها منها وهوا فى الشغل

تامر قرأ فاتحه هوا وبابا مرام ومرام مش مصدقه ان جه ولسه عاوزها بعد اللى قليتهوله وخايفه من اللى ممكن يعمله

عمرو بيحاول ميبعدش عن بسمه كتير وجايبلها ممرضه معاها تخلى بالها منها وهوا

فى المكتب

هدى اول اسبوع شغل ليها مع عمرو فى المكتب بس فرحانه اوى من تقربها من عمرو

وعمرو كمان مبسوط بيها

كريم رجع لنيره وهوا مش مقتنع بس علشان حس ان سمر فعلا مش بتحبه وساعدته بس علشان صعبان عليها

سمر بتحاول تتجنب اى اختلاط بينها وبين كريم علشان قلبها ميفضحهاش خصوصا انه مش حاسس بيها

اسلام كل يوم ينزل على البحر يدور على اسماء نفسه يشوفها ومش عارف كل شويه يقول كأنها ملاك ظهر واختفى

نورهان رجعت جامعتها وتأقلمت مع حياتها من اول وجديد بس بتخاف اكتر من الاول وحابسه نفسها فى دايره مبتخرجش منها

محمد كل ما يشوف نورهان يخاف ويفضل يتلفت حواليه من الرعب

............................................................................................................ ام امير واقفه على الباب بتخبط حنان طالعه على السلم

ازيك يا ام امير

ام امير التفتت ليها اهلا وسهلا يا مدام حنان عامله ايه

انا كويسه الحمد لله

ازيك انتى يا ام امير

الحمد لله يا بنتى اهو ماشيه مافيش حاجه تعبانى غير نشفان دماغ امير

معلش يا حاجه ربنا يهديه

ربنا يسمع منك ...البيبي سيتر فتحت الباب ومريم وراها

بتدخل من الباب امير فين

جوه يا هانم اتفضلى

مريم بتبص على جدتها وخايفه تروحلها

تعالى يا مريم انا نناه

مريم ماسكه فى الداده وخايفه تروح

بعد اذنك يا هانم ها قول لاستاذ امير انك هنا

ماشى يا ختى قوليله مستنيه

امير بيخرج لمامته اهلا بيكى يا ماما ازيك

ازيك انت يا بنى عامل ايه

الحمد لله كويس

الحمد لله بس مش هاتغير رأيك وتيجى تعيش معايا

لاء يا ماما معلش عمرى ما هسيب بيتى انا وروان

بس روان ماتت يا بنى فوووق

ماشى ماتت ومش موجوده بالنسبه ليكوا لكن ها تفضل عايشه جوايا

اه..اه..اه..قلبى ورجعت بدماغها على الكرسى انت ناوى تموتنى صح

بعد الشر عليكى يا ماما ليه بتقولى كدا

طيب عاوزنى ارضى عليك وتريح قلبى اسمع الكلام

انهى كلام فيهم يا ماما

انك

........................نكمل الحلقه الجايه