الحلقه الحادية عشر
..................
خبط على الباب ...ممكن ادخل
ياسمين بتتعدل على السرير.. اتفضل يا احمد
ازيك يا سمسم
عملتى ايه النهارده فى الجامعه
الحمد لله
معملتش حاجه.. كانت محضرة تعارف
وبس وجبنا الجدول ورجعنا على طول
*عاوزه اقولك كل حاجه يا احمد بس مش عاوزاك تتجرح
هي ندى اتضايقت منى ليه يا ياسمين
لاء هيا بس بترفض تركب مع حد العربيه
زى ما انا برفض اركب مع نادر اخوها رغم انه اصغر منى
انا معجب اوى بشخصيتها مبسوط اوى ان لسه فى بنوته زيها
نحن هنا يا دكتور :) ...ايوه يا حبيبتى عارف انك احسن واحده فى الدنيا
ربنا يخليك ليا ...تربيتك
طيب بالنسبه لندى انا عاوز اكلم اهلها بقى ..رايك ايه
والله يا احمد انا عارفه ان ندى مبتفكرش فى الموضوع دا دلوقت
ما انا خايف استنى حد يسبقنى ويخطف قلبها
ياسمين فى بالها ما خلاص قلبها اتخطف
ماشى يا احمد اعمل اللى يريحك
خلاص انا هاكلم باباها اخر الاسبوع دا
......................................................................
ندى ...ايه دا انا نمت بهدومى
غيرت هدومها وخرجت باست مامتها وباباها
وفضلت تهزر شويا مع نادر
وبعدين دخلت تانى وهيا بتفكر هاعمل ايه اتصل ولا لاء
جابت كشكولها وبصت اوى للنمره
ومسكت الموبايل
..........................................................
باسم نايم على السرير باصص للسقف
ياترى يا ندى احساسى بيكى هايكون صح ولا غلط..يارب تكونى بتحبينى زى ما بحبك
كل شويا يجيب الموبايل يتأكد انه كويس ...وشغال
نفسى ترن اوى.. نفسى يا ندى اسمع صوتك
طيب ولو متكلمتش واحساسك بيها كان غلط هاتعمل ايه
دا انا اتجنن..لاء ان شاء الله بتحبنى عنيها بتقول كدا
قطع صراعه مع نفسه رنة التليفون
مسكه بلهفه بصله ورد بحزن ...ايوه يا محمود
الله يسلمك يا حبيبى ..وانت كمان واحشنى اوى والله..ان شاء الله اشوفك قبل ما اسافر
ماشى يا حبيبى ربنا يخليك ..سلام
..............................................................
ايه دا مشغووووول ...احااول تانى ولا بلاش مش عارفه محتاره
انا هاحاول كمان مره وقلبها مقبوض وبترتعش رن الموبايل
....................................
باسم حافظ رقمها ...بس رد على الموبايل من غيرما يشوف مين
بعدم اهتمام الو
..................................
ايه دا بيقول الو ارد اقول انا ايه دلوقت
يعنى مش عارف رقمى لاء انا هاقفل
...........................
ايه دا مين بيتصل ومبيردش بص على الشاشه دى ندى
بفرحه ندى ازيك يا حبيبتى انا مش مصدق انك اتصلتى
اول ما قال حبيبتى اتكسفت ووشها بقى احمر اوى
برعشه واضحه اوى فى صوتها..ايوه..انا..بس بتكلم..علشان
علشان ايه يا حبيبتى قولى
ندى .......
علشان تسعدينى تحسسينى ان انا اسعد انسان فى الدنيا
وان احساسى بيكى كان صح
بس انا....عاوزه اقولك
ممكن تخليكى معايا بس يا ندى عاوزاسمعك حاجه كل ما اسمعها اتخيلك
ندى .................
باسم علا صوت الاغنيه اللى كان بيسمعها ورجعها من الاول
وقرب الموبايل من الكمبيوتر
لما النسيم بيعدي بين شعرك حبيبتى بسمعه ..... بيقول آهات
وعطورك الهادية اللى دايبة فيكي كل ما تلمسك..... بتقول آهات
عايزاني ليه لما تقوليلي بعشقك ما اصرخش واملى الكون آهااااااااات
يا نجمة كل ما ضيها يلمس حجر ..... يعلي ويتحول قمر
بكتب حروف اسمك بحبات الندى ..... علي كل اوراق الشجر
مين اللى يقدر يعشقك ..... قدي انا
مين اللى يقدر يوصفك ..... زي انا
يا حلم نفسي تحلمه كل القلوب
يا اعلى احساس شدني خلاني ادوب
خلاني احس اني بشر
عايزاني ليه لما تقوليلي بعشقك ما اصرخش واملى الكون آهاااااااات
باسم برقه.... انتى معايا ياحبيبتى
كل ما تسمع حبيبتى قلبها يدق جامد اوى
ندى صوتها بيطلع بصعوبه:ايوه..بس دى ليا انا
ايوه يا حبيبتى ليكى انتى بسمعها كتير كل لما افكرفيكى
انا حاسس ان طاير مش متخبل انك رديتى عليا انا خايف اكون بحلم
لاء مش بتحلم انا .........
انتى خلتينى اسعد انسان
طيب انا لازم اقفل معلش
بسرعه كدا انا مصدقت سمعت صوتك
معلش اصل مش متعوده على الكلام دا
ماشى انا مش ها ضايقك كفايه عليه ان اطمنت انك فعلا بتبدلينى نفس احساسى
مع السلامه وقفلت من قبل ما تسمع رده
................................................
يااه دا رومانسى اوى وكلامه حلو اوى
انا اول مره اسمع كلام حلو كدا...ندى انتى نسيتى اهم حاجه
ايه ..الكلام اللى المفروض تقوليه..اه بس هوا مدانيش فرصه خالص كلامه دوخنى
هاقوله مره تانيه...ليه انتى هاتكلميه تانى مش عارفه بقى ....هاقوله وخلاص
وفتحت الكمبيوتر بتاعها وفضلت تدور على الاغنيه
واول ما لقتها شغلتها وفضلت سرحانه فى كلامها وفى كلام باسم ووشها عليه ابتسامه
محلياها اكتر وعنيها فيها لامعه مخلياها جميله اوى
......................................................
يا حبيبى يا احمد انت بتفكر فيها ومتعلق بيها اوى وهيا ولا حاسه بيك
بس هيا بأديها ايه..مقلتلوش يحبها..يا ريته ما شافها معايا عند الدرس ..مش حرام
يكون عمره ما عرف بنت ومخلص كدا ليها حب سنتين فى صمت
من غير حتى ما يحاول يكلمها ..انا صعبان عليه اخويا اوى مش عارفه اساعده وانسهاله
ازاى..اعمل ايه انا هاتصل بيها واقولها على مشاعره وخلاص وهيا حره تختار
................................................
اخيرا هاسافر وانا مبسوط ومطمن منك يا حبيبتــــى نفسى اصرخ وعرف الناس كلها ان بحبك يا ندى
ان شاء الله السفريه الجايه
هاكلم ماما وبابا يكلموهم ويارب يوفقوا على طول
ونتخطب بقى والناس كلها تعرف ان باسم بيحب ندى وندى بتحب باسم
انا مبسوووووووووووووووووووووووووووط اوى اوى يارب كمل فرحتى
..............................................................................
تليفون ندى بيرن راحت وطت صوت الكمبيوترشويه
بتبص بفرحه افتكرته باسم
فرحتها اتبدلت
ازيك يا ياسمين ازيك يا حبيبتى انا مبسوطه اوى ...هاحكيلك كل حاجه
انا كلمت باسم ....................................................................................
وحكتلها اللى حصل ...لاء يا ياسمين انا مرضتش عليه..انتى صوتك متضايق ليه..لاء عاوزه اعرف فى ايه
ماشى متتأخريش انا مستنياكى اهو
نكمل الحلقه الجايه....
ليست هناك تعليقات:
إرسال تعليق