اسرار الحياة .... الحلقة السادسة عشر

الحلقه 16
............

اميـــــر واقف بذهووووووول روان

روان بأبتسامه :ايوه حضرتك انا مس روان

امير مش عارف يظبط اعصابه لا لا لا لا مش معقول اكيد انا بحلم وداخ وكان ها يقع

روان حست بيه جريت من ورا مكتبها عليه ومسكت ايده قعدته على الكرسى

مالك يا استاذ

امير بيشم ريحتها نفس برفن روان مش قادر يبعد عنها نفسه الزمن يقف

روان بعدت بعد ما اطمنت انه قاعد وكويس

امير بيبص لها بذهول عينيه مش راضيه تصدق اللى شايفاه

مريم .. بابى مالك يا بابى

امير اخد مريم فى حضنه ومشى من غير ما يتكلم كلمه واحده

روان واقفه مكانها مستغرباه

امير طول الطريق ومريم جنبه مش بيتكلم .. مريم بتطلب حاجات كتير وهوا مش واخد باله

منها ولا من اللى بتقوله

امير دخل البيت الداده اخدت مريم وامير دخل على طول على اوضته

مسك صوره روان ودموعه نازله معقول يا روان فى حد شبهك كدا

انا كأن شفتك اقدامى كل حاجه ريحتك شكلك صوتك معقول معقول هيا حقيقه فعلا

وفضل يتكلم لحد ما راح فى النوم

امير امير حبيبى اقوم

امير بيفتح عنيه شاف راون ..غمض وفتح تانى وهيا اقدامه..فضل يدعك عينيه اوى بأيده

 برضه لسه موجوده

روان انتى بجد اقدامى وشايفك

ايوه يا حبيبى انا بجد اقدامك وشايفنى

بس انتى موتى انا شايفك وانتى بتموتى اقدامى

لاء انا عمرى ما اموت واسيبك ابدا

امير بيقرب منها علشان يحضنها

فاق من حلمه معقول دا حلم ..اكيد روان بتوصلى رساله بس ايه هيا

طيب ممكن يكون ليه علاقه بمس روان ..وسرح

البيبى سيتر بتخبط على الباب ..استاذ امير والدتك تحت عاوزه حضرتك

مامااا ...حاضر هاجى حالا

...................................................................................................

نورهان ومامتها قاعدين سوا بيشوفوا التليفزيون

كريم بيفتح الباب السلام عليكم وقعد جنب نورهان على كنبة الانتريه

الام ونورهان وعليكم السلام ورحمه الله وبركاته

كريم وواضح عليه عدم الفرحه يا جماعه خلاص ها ننزل انا ونيره نختار الوان دهان الشقه

نورهان ومامتها بيبصوا لبعض

الام:خلاص يا بنى حددتوا معاد فرحكوا

لاء ياا ماما محددناش حاجه احنا بس هانبدأ فى توضيب الشقه

نورهان وهيا بتبص لمامتها يعنى خلاص يا كريم انت مقتنع ان نيره هيا اللى ها تقضى

 معاها بقيت عمرك

كريم الكلمه ضايقته بقيت عمرى ..اه ان شاء الله هيا بتسمع كلامى وبتحاول ترضينى

الام ونورهان ربنا يسعدك

طيب انا هادخل اوضتى اغير واريح شويه على الاكل ما يجهز

الام ماشى يا حبيبى

كريم دخل غير هدومه وبينام على السرير

بيبص للسقف وبيفكر انا ليه مش مبسوط دا انا ياما حلمت باليوم اللى هاكون انا ونيره فى

مع بعض

ايه اللى اتكسر جوايا اوى كدا

معقول اكون حبيت سمر ولو كنت حبيتها ...بس هيا محبتنيش وعايشه ومستمتعه

 بحياتها ليه انا اضيع حياتى على امل مش مضمون

ومسك الموبايل الو ازيك يا امير عامل ايه يا حبيبى وازى صحتك ومريوم عامله ايه

امير بيفتح البلكونه وطلع وقف فيها... تمام يا كريم كلنا الحمد لله كويسين انت عامل ايه

ونيره

انا تعبان اوى يا امير وعاوز اتكلم مع حد عن اللى جوايا

خلاص اشوفك بليل

بجد طيب ومريم

ها خلى ماما تبات معايا النهارده هيا تحت زمانها جايه تفتح موضوع ناديه تانى

طيب وليه لاء يا امير

انت يا كريم اللى بتقول كدا يعنى انت متعرفش روان عندى ايه

عارف يا حبيبى والله بس الحياه لازم تستمر وبعدين ناديه طول عمرها بتحبك
مش هاتلاقى حد يحبك اقداها

خلاص يا كريم لما اشوفك بليل نتكلم عاوز احكيلك على حاجه اصلا

وقفلوا مع بعض مع الاتفاق انهم يتقابلوا بليل

,,,,,,,,,,,,,,,,,

سمر واقفه فى البلكونه وعنيها على بلكونة اسامه واتنهدت

وبتفتكر طريقة كريم معاها النهارده وتضايق

سما بتدخل عليها البلكونه ها يا سمر قررتى

والله ما عارفه اقولك ايه يا سما محتاره

لو احتارتى يبقى محبتيش كريم

لاء يا سما مش اسمها كدا اسمها مش ليا نصيب معاه وهوا محبنيش وفضل عليه واحده

 انانيه

طيب ما تكلمى معاه قبل ما تاخدى خطوه تندمى عليها طول حياتك

اتكلم معاه اقوله ايه والنبى يا كريم انا متقدملى عريس بس بحبك انت انت بقى بتحبنى

سمر وعنيها بتدمع انا مش رخيصه اوى كدا

سما بحزن يعنى خلاص ها توافقى على اسامه

سمر بحيره هارد عليكى الصبح يا سما قبل ما انزل الشغل

..........................................................................................................
اسلام بعد مارجع من الشغل دخل غير هدومه وراح لمحمود اوضته واقف بيخبط على الباب

محمود اتفضل

ها خلصت

ايوه تعالى هاتعمل ايه االنهارده

والله ما عارف يا محمود زهقان مش لاقى حاجه اعملها

طيب ما تنزل على البحر زى كل يوم

لالالالالالالالالالالالالا مش عاوز

ايه دا ايه اللى حصل اول مره اشوفك متعصب كدا

لاء مش متعصب ولا حاجه انا كويس اهو بس ماليش مزاج انزل من البيت

طيب ما تجيب اللاب بتاعك وتفتح نشيت شويا وتدخل بالمره الفيس تقبل نادين

اسلام بعدم رغبه والله ماليا مزاج بس يظهر مافيش غير كدا اهو حاجه تضيع الوقت

ايوه اشطه روح هات اللاب بتاعك وتعالى

لاء خلاص انا هافتح من اوضتى

ماشى براحتك

اسلام دخل اوضته وقفل عليه وبيفتح الايميلات وبعدها الفيس

لقى 12 اضافة صديق و25 اشعار

ضاف نادين وفضل يفتح فى الاشعارات ويرد على كل حد

وهوا مشغول ومبتسم بتعليقات اصدقائه

هااااى

هااى ازيك يا نادين

ازيك انت يا اسلام عامل ايه

انا تمام وانتى

انا مبسوطه ان لقيتك واتكلمت معاك

ربنا يخليكى

طيب انت ايه اخبار شغلك

تمام شويه كدا وشويه كدا بس الحمد لله

اه يلا ربنا معاك

انت منين من القاهره يا اسلام

من مدينة نصر

اها

وانتى منين اصلا مصر ولا اسكندريه

لاء اسكندريه قولتلك على فكره فى الحفله

اه معلش بس يمكن مأخدتش بالى

انتوا مشيتوا يومها على طول ليه دورت عليك لقيتك اختفيت

حصل ظروف هاحكيلك

وفضلوا يتكلموا لحد 12 بليل واغلب المحادثه نادين هيا اللى بتسأل

لحد ما اسلام حس بالجوع واستأذن يروح ياكل اى حاجه ويرجع

اسلام بيخبط على محمود الباب

محمود بيرد بعصبيه

............................................................................................................
تامر بيركب عربيته بعد ما خلص كل المحاضرات اللى وراه مالوش مزاج يروح البيت

فضل يلف بعربيته لحد ما وقف عند مطعم ودخل طلب اكل

وهوا بياكل... موبايله رن شاف الرقم مرام

خير ..مش هارد

التليفون خلص واتصلت تانى

اضطر يرد خاف يكون فى حاجه

الو ازيك يا مرام

مرام بكسوف ازيك انت يا تامر عامل ايه

انا الحمد لله كويس

الحمد لله وازى صحتك

الحمد لله تمام وجنبه تلاكسات عربيه

الله انت بره لسه ما رجعتش

ايوه بتغدى بره

مرام بتلقائيه مع مين

مرام انتى متصله عاوزه حاجه معينه ولا بتطمئنى بس

مرام بأحراج ايوه بطمن عليك

وانا كويس الحمد لله خلى بالك من نفسك ومن شغلك

مرام بحزن حاضر وانت كمان

ماشى مع السلامه يا مرام

مع السلامه

تامر بيفكر فى طريقة مرام ومستغربها عمرها ما اتكلمت كدا ولا سألت عليه طول الشهرين اللى اتخطبوا فيهم

تامر خلص اكله ولسه زهقان اتصل بعمرو

الو ازيك ياعمور عامل ايه

انا الحمد لله كويس

انت ازيك يا تامر

الحمد لله انت وراك حاجه دلوقتى يا عمرو

انا فى المكتب هاعمل حاجه وانزل

طيب ما تيجى نخرج انا زهقان اوى

مش هاقدر يا تامر والله هارجع البيت لبسمه بتزهق لوحدها والممرضه عاوزه تروح بيتها ساعتين النهارده

ماشى يا عمرو ربنا يخليكوا لبعض

ربنا يخليك يا تامر مش عاوز حاجه

لاء سلامتك انا ها تصل بالشباب كدا اشوفهم يمكن الاقى حد زهقان زيى

ماشى يا تامور خلى بالك من نفسك سلام

تامر كمل اتصال على كريم وعرف انه هوا وامير نازلين فرح... راح على البيت يغير هدومه وياخد شور على ما ينزلوا يتقابلوا

..............................................................................
عمرو بيكلم سها بالتليفون

لو سمحتى يا سها تعالى عاوزك

سها بتدخل على عمرو وهوا قاعد على المكتب ايوه يا استاذ عمرو

معلش يا سها خدى الاوراق دى اديها لانسه هدى

انسه هدى مشيت

مشيت ازاى

معرفش هيا خرجت على طول بعد ما حضرتك خرجت من عندها

ماشى يا سها روحى انتى شكرا

عمرو بياخد مفاتيحه وينزل وفتح العربيه وركب وطلع على بيت هدى

وقف اقدام الفيلا يبص عليها ويفكر ..انا ايه جبنى هنا

هادخل اقول ايه

اتصل على هدى تطلعله مره واتنين وتلاته ومافيش رد

نزل من العربيه وراح لعم بيومى البواب

السلام عليكم

وعليكم السلام

لو سمحت يا عم بيومى ممكن تقول لانسه هدى ان عاوزها

اقولها مين

اقولها الاستاذ عمرو زميلها

حاضر ثانيه واحده

...............................................................نكمل الحلقه الجايه