اسرار الحياة .... الحلقة التاسعه عشر

الحلقه ال 19
...............

عمرو وهدى بيكملوا كلامهم 

عمرو حبيبى ممكن حاجه تبعدك عنى

هدى فى ايه قلقتينى

هدى بحزن اصل انا الحاجه اللى هاقولها دى ممكن يتوقف عليها حياتنا بعد كدا

هوا الموضوع كبير كدا

هدى بتفرك ايديها فى بعضها ايوه هواانت يا عمرو مسألتش نفسك ابدا العميله اللى كنت بعملها دى ايه

لاء يا هدى مجاش فى بالى وبعدين انا شايفك كويسه اقدامى اهو

هدى بحزن انا ممكن مجبش ولاد

عمرو بأستغراب ليه بتقولى كدا

لان العمليه اللى عملتها كانت عباره عن ورم قريب اوى من الرحم وممكن يكون الورم اثر على الرحم وممكن لاء

عمرو بهدوء بيمسك ايد هدى وبيقربها منه باسها وانا ممكن اقول ايه فى حاله ذى دى

هدى دموعها بتنزل من الموقف

عمرو بيمسح دموعها بأيده لاء لاء يا هدى ليه الدموع دى

علشان انت ممكن تسبنى وانا بجد بحبك اوى

وانتى متخيله ان ممكن اسيبك علشان سبب تافه ذى دا

تافه ..تافه يا عمرو دا كل انسان فى الدنيا بيتمنى يكون اب

اكيد يا هدى وانا بتمنى ..بس افرضى ان انا اتجوزت اى واحده تانيه ومش بتشتكى من حاجه وطلعت مبتخلفش هاسبها

هدى بحزن مش عارفه

لاء يا هدى انا انسان مؤمن ولو ليا نصيب انا وانتى نجيب ولاد هانجيب ملناش مش خلاص كل حاجه بأيد ربنا

هدى بتقرب دماغها من كتف عمرو ونامت عليه وايديهم فى ايد بعض بابى قالى انك راجل اوى 

بس مقليش انك بالحنيه دى انا بجد بحبك اوى يا عمرو

حبيبت عمرو انا روحى فيكى وبعدين بقى لازم نتجوز على طول

هدى بترفع دماغها ووشهم قريب اوى لبعض ليه

عمرو مش قادر يقاوم عينيها وجمالها علشان انا بجد مش قادر ابعد عنك اكتر من كدا

هدى بتقرب منه اكتر وانا بحبك اوى وبجد هاعيش طول عمرى علشان اسعدك وبس

ربنا يخليكى ليا انا مش عارف انا قبلك كنت عايش ليه

هدى بتبعد علشان تستنانى ونعيش مع بعض احلى حياه

حبيبتى انا متأكد ان معاكى هاكون اسعد انسان

طيب يلا بقى وصلنى البيت علشان اقول لبابى على قرارنا

ايوه هانتجوز على طول لا خطوبه ولا كلام من دا

هدى وعينيها فى عينيه انا بحبك اوى اوى يا عمرو

وانا بموووت فيكى

هدى بتدخل الفيلا وهيا طايره من الفرحه بابى مامى

الاب والام بفرحه لفرحتها ايوه يا هدى

خلاص خلاص اناا وعمرو هانتجوز

الام الف مبروك يا حبيبتى وقربت منها باستها من خدها من هنا ومن هنا

عمرو سايق وبيفكر ..انا فعلا ممكن اعيش من غير ولاد..دا انا بحب الاطفال جدا

ايه اللى بقوله دا اكيد ربنا كريم وهايرزقنى انا وهدى يارب يااارب ارزقنا وكمل سعادتنا

طيب ولو محصلش ...يبقى قضاء ربنا مش هاعترض عليه اكيد

.........................................................................................................
اسلام قاعد على مكتبه ونفسه اليوم يعدى

كل شويه عينه على الساعه هوا اليوم دا طوويل اوى لييه كدا 

محمود:علشان انت بس مستعجل يا اسلام

اسلام بأحراج لا مش مستعجل ولا حاجه

يا اسلااااااااام عليه برضه

اسلام بياخد مفاتيحه من على المكتب وقام يلا سلام

الله مش هانروح سوا البيت الاول

لاء يا عم انا مسافر بكره النهارده كله على البحر

ماشى يا اسلام ربنا معاك

سلام

اسلام بيقرب من الشط بيدور عليها مش لاقيها اقعد على الصخره اللى اسماء دايما بتقعد عندها

عدى وقت طويل واسلام مستنى .... اسماء بتقرب من الشط شافت اسلام بلبس الحربيه

اسلام بتعمل ايه هنا

اسلام بيلتفت بفرحه اسماء اخيرا جيتى انا هنا من بدرى لما زهقت من القعده لوحدى

والله ..معلش..كان فى حاجه

لاء انا بس مسافر بكره فا قلت اشوفك الاول واقعد معاكى شويه

اه طيب ..وتجاهلته وقعدت وعينيها على البحر

اسلام مش عارف يبدأ كلام.....ويكسر صمتها دا ازاى

صحيح يا اسماء اول مره اعرف ان البيت بتاعك قريب كدا

اسماء بحزن اه هوا قريب علشان كدا على طول هنا

يا بختك كل ما تحبى تشوفى البحر تشوفيه وتحكيله اللى جواكى

اسماء بدمووع اللى جوايا كتير اوى ..انا تعبانه اوى اوى يا اسلام

حبيبتى انا مش قادر اشوفك كدا

اسماء بدموع مستغربه ... شكرا يا اسلام 

لاء يا اسماء مش بقول كدا علشان تشكرينى.... انا بجد عمرى ما هاسيبك مش هاقدر اتخلى عنك ابدا

اسماء بأستغراب ليه يعنى

اسلام بأرتباك ..علشان انا حاسس ان مسئول عنك

شكرا يا اسلام وانا مش عاوزاك تحس الاحساس دا

ليه يا اسماء

علشان انا بجد خلاص مش عاوزه اعيش ومش عاوزه حد مسئول عنى انا خلاص بعد احمد انتهيت

ربنا يرحمه بس الدنيا بتستمر واكيد فى ناس كتير بتحبك ومحتاجه وجودك في حياتها ممكن وجودك بس فى

 حياتهم يفرق معاهم فى كل حاجه

اسماء ..ناس ناس مين اللى انا ممكن افرق فى حياتهم اوى كدا

اسلام بحب اناااا

اسماء بدهشه انت

ايوه يا اسماء انا ...انا فعلا بحبك..بحبك من يوم ما شفتك

بس يا اسلام اسكت متكلمش

لاء مش هاسكت لازم تعرفى ايه جوايا علشان انا مسافر ومش جاى غير كمان 3 ايام ومش عارف هاقدر

ابعد عنك الفتره دى ازاى

تبعد عنى انت بتقول ايه

بقول اللى حاسه بقول اللى بيصرخ جوايا كل ما اقرب منك انا بجد مش هاقدر اتخيل حياتى من غيرك

اسماء بدهشه بس انا انسانه قلبى مات فيه الحب مع احمد يوم ما مات اخد كل حاجه حلوه فيا

اسلام بس الدنيا مش بتقف على حد يا اسماء لازم تنسى وتعيشى وانا عاوزك تدينى فرصه بس احاول

لاء يا اسلام مش هاقدر اسفه دور على واحده غيرى

اسلام بيقف بصى يا اسماء اعتبرى الفتره اللى هاغيب فيها دى وقت تفكرى فيه وتشوفى لو عندك مجرد القابليه ان احاول

اسماء صمت

اسلام بيمشى مع السلامه يا اسماء وياريت تفكرى كويس وتعرفى ان بجد هاحاول على اد ما اقدر اسعدك

اسماء بدموع وعينيها على اسلام وهوا ماشى مش هاقدر انا اسفه

اسلام بيرجع البيت متوتر دخل لمحمود الاوضه وقعد على السرير من غير ولا كلمه

محمود ملاحظ ان اسلام متغير ومتضايق مالك يا اسلام

مخنوق

ليه بس ...حصل حاجه

ايوه ..اسماء عرفت ان بحبها

منين

انا اللى قلتلها

ليه بس يا اسلام اتسرعت اوى كدا ليه

مش قادر يا محمود ..مش قادر تكون اقدامى كدا ومصرخش بحبى ليها

محمود حبيبى يا اسلام معرفش انك بتحبها اوى كدا

ايوه ولا انا كنت متوقع احب حد اوى كدا

خلاص روء بس الخطوه بدرى اوى خصوصا انها لسه حزينه على خطيبها وخايف لو وافقت بحبك تكون بتنسى خطيبها بيك

اسلام بحزن وانا موافق المهم تبقى معايا

.............................................................................................................
امير بيخلص الشغل غلط فى ارقام كتير ومضى على حاجات كتير غلط وكل شويه السكرتيره تدخل تعرفه الغلط

امير متوتر جدا وعصبى اوى

اخد مفاتيحه من على المكتب وبيخرج من المكتب

السكرتيره بتقف حضرتك ماشى يا استاذ امير بدرى كدا

ايوه مش جاى تانى النهارده

امير بيلف بالعربيه وهوا فى قمة توتره وشوارع كتير مش عارف يروح فين 

بيقرب من المدرسه ايه جبنى هنا شاف روان بتخرج وتركب عربيتها

تلقائى طلع وراها روان بتقرب من عماره دخلت اخدت بيبى صغير ركبيته العربيه على الكنبه اللى ورا ولفت

 ركبت ودورت العربيه وطلعت على طول

كل دا وامير وراها وعينه عليها

روان بتقف بعربيتها وبتاخد البيبى من العربيه وطالعه اتكعبلت وقعت على الارض

امير بلا وعى نزل من العربيه جرى عليها يساعدها

روان بتقف مش عارفه ان امير هوا اللى ساعدها

عينيهم تقابلت ايه دا حضرتك تانى

امير محرج مش عارف يرد

روان هوا حضرتك بتراقبنى ولا دى صدفه

امير مش عارف يرد وعينيه على البيبى حمدلله على سلامتك وسلامته

الله يسلمك مصطفى ابنى على اسم باباه الله يرحمه

امير بأستغراب الله يرحمه هوا مااات امتى

احنا متجوزناش غير 3 شهور كان ظابط ومات وهوا فى اشتباكه مع تجار مخدرات

امير بفرحه مش قادر يداريها البقاء لله

روان احرجت من نفسها انها سمحت لنفسها تقف تتكلم معاه كدا بس هيا مرتحاله مش عارفه ليه

بعد اذنك استاذ امير

امير بأستغراب عرفتى اسمى منين

من مريم امير

امير بأبتسامه ايوه صح

طيب معلش لازم اطلع بعد اذنك

امير مش عاوز يسيبها اتفضلى

روان داخله من البوابه وامير مش قادر يشيل عينيه من عليها

امير اخد عربيته وساق بمنتهى السعاده معقول يا روان دا حلمك اكيد انتى مش ها تسيبينى لوحدى انا متأكد

امير بيدخل البيت ومامته قاعده مستنياه

السلام عليكم يا ست الكل

الام شكلك مبسوط اوى يا امير خير يا بنى

علشان شايفك يا ماما بس

ربنا يكرمك يا بنى يعنى ها تيجى معايا تتقدم لناديه

لاء يا ماما انسى ناديه عمرى ما هافكر فيها

الام بحزن واضح ليه انت مش قلت هانتكلم سوا

لاء يا ماما مش عاوزها لو اخر واحده فى الدنيا

الام بتمسك قلبها حرااام عليك انت عاوز تموتنى انا عملت ايه بس فيك

مالك بس يا ماما

قلبى يا بنى ادينى الدوا هاتلاقيه فى شنطتى عندك

امير بيطلع علبه الدوا وبيدى لمامته حبايه اتفضلى يا ماما واداها تشرب

ايه بس يا ماما مالك

انت يا امير عاوز تموتنى لو مجوزتش ناديه يبقى انت بتحكم عليا بالمووت

ليه كلامك دا بس

...........................................................................................................
كريم قاعد فى العربيه وعينيه على سمر وهيا ماشيه مش متخيل انها تمشى وتسيبه بعد ما اتأكد من حبها ليه

كريم بيدور العربيه وبيقرب من سمر وتلكسات سمر دورت وشها ليه وتجاهلته وكملت طريقها قرب منها تاكسى وقفته وركبت ومشيت

كريم واقف حزين اخد الموبايل من على التبلوه واتصل بنيره

الو...ايوه يا نيره ...انتى فين ...طيب انا هاعدى عليكى دلوقتى ..ايوه لما اشوفك هاقولك

كريم بيقرب من نيره وبيقف بالعربيه

نيره بتفتح العربيه وبتدخل ازيك يا حبيبى

ازيك يا نيره

انا كويسه ايه اللى حصل انت مش قولتلى بليل مش هاتعرف تيجى النهارده

اه...معلش اصل عاوزك فى موضوع

موضوع ايه

طيب نقعد فى مكان الاول

لاء قلقتنى اتكلم

نيره انا اسف بس عاوزك تعرفى ان مش هاعرف اكمل معاكى

نيره بصدمه ..ايه ..انت عاوز تسيبنى

نيره افهمى انتى السبب وانا فعلا قلبى بقى مش ملكى

انا السبب وقلبك مش ملكك فهمت

فهمتى ايه

سمر صح

كريم بيدور وشه ومردش عليها

نيره بعصبيه مش انا اللى تسيبنى علشان اى واحده يا كريم مش من حقك

انتى بتقولى ايه

بقولك انا مش موافقه نسيب بعض انت بتاعى انا ومن حقى انا بس

كريم بعصبيه ايه بتاعى دى هوا انا لعبه فى ايدك

نيره بعصبيه انا بقولك يا كريم انا مش هاسيبك وسمر دى انا هاتصرف معاها تصرف مش ها يعجبها خطافة الرجاله

لاء انتى اتجننتى بجد

نيره تجاهلت رده ممكن توصلنى حبيبى وهاستناك بليل نختار الوان الدهان

هوا انتى بتعملى ايه هوا انا بكلم مين

مش عارفه انا كأنى مسمعتش كلمه انت قولتها ولو عاوزنى اسيب سمر دى كمان فى حالها انسى اللى انت قلته دلوقتى

كريم بصى انزلى من العربيه وقلع دبلته رماها انا مش عاوز اعرفك تانى

نيره بنظرة تحدى انت بترمى دبلتى يا كريم

ايوه وياريت مشوفكيش تانى ابدا حتى صدفه يا خسارة الحب اللى حبتهولك اد كدا كنت
الحب عمينى ازاى مكنتش شايف تملكك وانانيتك والحقد اللى مليكى دا

نيره بتنزل من العربيه صدقنى يا كريم هاتندم على كل كلمه قلتها مش انا اللى اتعامل كدا وقفلت باب العربيه

 جامد جدا

كريم بينفس عن غضبه وبيضرب ايده كف على كف لالالالا مش معقول انا ازاى كنت هارتبط بالانسانه دى طول عمرى واجيب منها ولاد اد كدا الحب اعمى ازاى مشوفتش غبائها دا

وافتكر سمر معقول تأذيها معقول تعمل فيها حاجه

بيتصل بسمر سمر شايفه الرقم بتكنسل مره واتنين وتلاته لحد ما زهقت قفلت الموبايل

دخلت ودموعها جوا عنيها ماما انا عاوزاكى تبلغى اسامه ان موافقه عليه

ايه دا بجد

ايوه يا ماما على الاقل راجل مش ضعيف الشخصيه وقرراته واحده

ماشى يا بنتى ربنا يكرمك يااارب بس كدا هاتسيبينى وتسافرى معااه

سمر بتدخل اوضتها يلا يا ماما كدا احسن... بدايه جديده فى كل حاجه حتى البلد

ربنا يسعدك يا بنتى ويكملك على خير

......................................................
نورهان بتخلص محاضرتها نفس الشاب بيقرب منها

لو سمحتى يا انسه نورهان انا معرفتش ردك

نورهان بأستغراب ردى على ايه

على اللى قلته لانسه نانى

انا مش فهما حاجه ونانى مقلتليش حاجه

طيب انسه نورهان هاقول تانى يمكن نسيت

انا اسمى علاء فى سنه رابعه ومعجب اوى بيكى وانا مرتاح ماديا جدا ولو حضرتك تقبلى انا اتمنى اجى البيت

 اتقدم لحضرتك

نورهان بذهول من اللى بتسمعه ..انا ..مش عارفه اقولك ايه

انا مش عاوز رد ممكن تسألى عليه فى الجامعه انا فى حالى جدا مليش علاقات بحد ومش بتاع حورات الشباب اليومين دول وجد جدا

نورها بصوت يدوب مسموع انا اسفه لازم امشى

طييب انا اسف ان عطلتك ومستنى ردك

نورهان بوش احمر اوى ان شاء الله

نورهان بتقرب من نانى ...نانى عاوزاكى قومى

نانى بتستأذن من الشله اللى معاها وقامت تكلم نورهان

ايوه يا نور فى حاجه

ايوه يا نانى انتى مش عاوزه تقوليلى حاجه

حاجه حاجه ايه

بخصوص واحد اسمه علاء

نانى بأرتباك علاء مين انا معرفش حد اسمه علاء

اه طيب يا نانى سلام

نانى واقفه وعنيها على نورهان وهيا ماشيه وعنيها كلها حقد

نورهان بتدخل البيت مامااا

ايوه يا نور تعالى انا هنا

معلش يا ماما انا عاوزه رأيك فى موضوع حصل معايا 

سمعاكى يا بنتى ....نورهان حكت لمامتها على الموقف كله لا لا دى طلعت بنت مش بتحبك خالص يا نور

 ودى اللى بتقولى صديقة عمرك

ايوه يا ماما تصورى يعنى لو مكنش علاء دا جه اتكلم معايا عمرى ما كنت عرفت

معلش يا بنتى كويس انك عرفتيها

ايوه يا ماما الحمد لله

طيب وهاتعملى ايه فى موضوع زميلك دا

هاشوف كريم وهوا يقول مش هاعمل حاجه غير بأذنه ومشورته

شاطره يا حبيبتى ربنا يخليكوا لبعض

.........................................................................................................
تامر بيكمل كلام مع مرام

ايوه يا مرام والله انا كويس

مين بسمه دى يا تامر

وانتى عاوزه تعرفى ليه يا مرام

يعنى مش من حقى

لاء يا مرام مش من حقك

تامر انا بجد اسفه عارفه ان عاملتك وحش كتير بس انا

مرام متكمليش انا بجد مبعتبركيش اكتر من اخت ليه

بس انا

خلاص يامرام وياريت متتصليش تانى علشان متعذبيش نفسك على الفاضى

انت شايف كدا يا تامر

ايوه يا مرام ومعلش لازم اقفل عندى محاضره دلوقتى

يعنى مش هانتكلم تانى يا تامر

لاء يا مرام مش ليه لزوم كلامنا تانى

ماشى يا تامر وانا اسفه ان عطلتك سلام

تامر بيقفل وحزين انه عاملها كدا بس انا مينفعش اعمل غير كدا وخصوصا انا حاسس انها بتهتم بيا كل يوم اكتر من اللى قبله

تامر بياخد شنطته وبينزل شاف بسمه واقفه مع ميار

تامر بيقرب من بسمه بتعملى هنا ايه لسه يا بسمه

ميار بأبتسامه كنا بنتعرف على بعض يا دكتور

تامر بأبتسامه مصطنه يلا يا بسمه على جامعتك وخلى بالك من نفسك انا لو مش ورايا محاضره كنت جيت

 وصلتك

بسمه بأحراج لاء انا هاروح شكرا ليك

تامر واقف مستنى بسمه تمشى

بسمه عينيها فى عينيه بتكلم ليه كدا

تامر اول مره يدقق فى عين بسمه وقلبه دق اول مره قلبه يدق وفهم نظرتها

حاول يرضيها انا جاى البيت النهارده يا بسمه قولى لعمرو بقى

بسمه بفرحه بجد جاى

تامر بفرحه لفرحتها ايوه بجد يلا بقى ورايا محاضره

بسمه بأبتسامه حاضر

ميار عينيها عليهم الاتنين ومستغربه ان دا دكتور تامر بيعرف يراضى ويتكلم حلو اهو

ميار بعد ما بسمه مشيت لو سمحت انا عاوزاك فى موضوع ضرورى جدا وقبل المحاضره

تامر بنظره جديه فى ايه

...........................................نكمل الحلقه القادمه