اسرار الحياة ..... الحلقة الثالثة عشر

الحلقه 13
...........
امير بيكمل كلامه هوا ومامته

اى كلام فيهم يا ماما 

انك تريح قلبى وتتجوز ناديه يا بنى مافيش حد هايحب بنتك ولا يصونك غيرها

امير بعصبيه ومين قال ان عاوز اى واحده تانيه والا ان هاتجوز خالص

يعنى يا بنى هاتعيش كدا طول عمرك

ايوه يا ماما هاعيش كدا انا مالى كدا مريم ماليه حياتى وروان معايا

روان مين اللى معاك

روان مراتى ذكرياتنا وكل تفاصيلنا انا عايش وهاعيش لاخر عمرى بيها

طيب وبنتك دى مش محتاجه ام مش حرام عليك

امير بنظرة غضب.. ام بدل روان طبعا لاء هيا امها روان بس محدش ليه الحق دا غير روان

حراام عليك يا بنى وجعتلى قلبى

متوجعيش قلبك يا ماما ومتفكريش علشان انا عمرى ما هافكر فى جواااز ابدا

ربنا يهديك يا بنى

يلا يا ماما علشان نتغدى سوا

لاء .. انا هاكل فى بيتى وبعدين انا مبتغداش بدرى كدا

معلش انا اتعودت علشان مريم لازم اكلها بأيدى

انت اللى تاعب نفسك كان زمانك فى شركتك وبنتك بتأكلها مراتك

خلاص بقى يا ماما

خلاص انت حر اللى تشوفوه

..................................................................................
نورهان واقفه هيا واصحابها بعد ما خلصوا المحاضره بيسألوا الدكتور على

الحاجات اللى مفروض ملغيه

ولد بيقرب من نورهان لو سمحتى يا انسه ممكن كلمه

نورهان بخوف سابته ومشيت مرضتش عليه

الولد فضل حيران من تصرفها هوا معملش حاجه قرب من صاحبتها نانى

لو سمحتى يا انسه نانى عاوزك فى كلمه

ايوه اتفضل

لو سمحتى قولى لانسه نورهان ان مقصدش اضايقها والله انا فعلا معجب بيها

انا سنه رابعه والحمد لله ماديا مرتاح وعاوز ارتبط بيها

نانى بذهول حاضر هاقولها وسلمت ومشيت راحت لنورهان

نورهان واقفه مستنيا نانى على الباب علشان يمشوا سوا

ايه يا نور بدور عليكى مش لاقياكى مشيتى ليه

اتضايقت من الولد اللى جه يتكلم ده

اه اخدت بالى يلا معلش

يلا خير انتى اتأخرتى كدا ليه الدكتور قال حاجه تانيه

هااااااا لا لا ولا حاجه يلا نمشى
............................................................
كريم بيدخل من باب البنك عينه على مكتب سمر مش لاقيها

دخل قعد على مكتبه وعينيه بتدور عليها

عم محمد الساعى بينضف مكتب سمر

بقولك يا عم محمد هيا انسه سمر لسه مجتش

لاء هنا بس فوق عند استاذ نادر

ماشى يا عم محمد هاتلى قهوه مغليه فى كوباية معلش

حاضر يا استاذ كريم دقيقه واحده

كريم قاعد يخبط بالقلم اللى فى ايده على المكتب مستنى سمر

تنزل مبتنزلش قام قرب من السلم وعينه عليه تنزل برضه لاء

بيفكر يطلع يشوفها بس ها يقول ايه مش عارف

بعد ما طلع اول سلمه نزل تانى هاطلع احرج نفسى ورجع قعد على مكتبه

عم محمد جاى بالقهوه اتفضل يا استاذ كريم 

متشكر يا عم محمد

كريم بيبص تانى على مكتب سمر لقاها قاعده عنيهم اتقابلت كريم احرج

سمر نزلت بعنيها على طول فى الدوسيه اللى اقدامها

كريم بيقرب من سمر انسه سمر لو سمحتى

سمر بترفع عينيها جت فى عيينه قلبها دقاته زادت :نعم

كريم :اناا..اناا

سمر :انت ايه

عم محمد بيقرب منهم لو سمحتى يا استاذه سمر استاذ نادر عاوزك فوق

سمر :حاضر يا عم محمد طالعه اهو ..ووجهت كلامها لكريم ايوه يا استاذ كريم كنت

عاوز تقول ايه

كريم بخيبة امل لاء خلاص وسمع الموبايل بيرن رنة نيره

قرب من مكتبه ورد بمنتهى البرود:ايوه يا نيره

الصوت كان واضح علشان محدش موجود فى الاوضه غيرهم سمر سمعت اسم نيره اخدت الدوسيه اللى اقدامها وطلعت على طول

معلش يا نيره اقفلى دلوقتى انا مش فاضى ..لاء متغيرتش ولا حاجه انا كدا..نيره سيبينى

 انا ورايا شغل مش فاضى لكلامك دا دلوقتى ...لاء مش فاضى اعدى عليكى هاروح على طول..يلا سلام

كريم خارج من باب البنك بيقرب من عربيته وبيفتحها بالانظار

عينه وقعت على سمر وهيا..

..................................................................................

اسلام واقف على البحر بيدور فى كل بنت عليها نفسه يشوفها كل يوم يروح من غير فايده

مجموعه شباب بنات وولاد قاعدين مع بعض بيقرب يسمع البنوته اللى بتغنى صوتها جذبه

 اوى

بيسمع الصوت وهوا حاسس كل كلمه بتتقال

فات اد ايه ولا يوم قدرت انساك
وليه الدنيا ليه يا حبيبى بعيد وخداك
انا مش قادر على نسيانك حبيبى
مين فى الدنيا ح يملى مكانك حبيبى
والله بحبه وح فضل احبه حبيبى

نفسى ارتاح بين احضانك حبيبى

بيقرب منها اكتر طلعت اسماء فضل واقف مش عارف يعمل ايه مش متخيل انه شافها اخيرا

اسماء بتكمل غنا اول ما عنيها اتقابلت باسلام سكتت معرفتش تكمل ووشها احمر اوى

اسلام فضل واقف مستنى انها تقوم تسلم عليه

اسماء قامت من مكانها بس للاسف وهيا بتمسك فأيد شاب تانى

اسلام :ايه دا معقول تكون ارتبط

وليه لاء ما يمكن مرتبطه من قبل ما اشوفها

مشى وقلبه حزين

اسماء بتقرب اسلاااام لو سمحت استنى
.................................................................................
عمرو بيعدى من على مكتب هدى هدى قاعده على الكرسى وسانده راسها

ومغمضه عينيها مقدرش يقاوم احساسه بيها ودخل من غير ما تحس

عمرو بيقرب وقعد على الكرسى اللى اقدام مكتبها :الله جميله اوى وانتى نايمه جمالك

 ملائكى يا هدى

هدى بتفتح عينيها شافت عمرو اقدامها وسرحان فيها

احم احم عمرو

عمرو بأحراج صباح الخير منمتيش كويس

لاء نمت والله بس مرهقه

خلاص ارجعى البيت ارتاحى

لالالا ارجع ايه دا احلى وقت اللى بقضيه معاكو هنا

عمرو بأبتسامه بجد يا هدى

هدى بكسوف ايوه والله بجد

واحنا بجد كمان فرحانين اوى انك معانا

هدى ترجع شعرها بأيديها ووشها احمر ربنا يخليكوا كلكوا

عمرو حس بكسوفها :طيب يا هدى انا راجع مكتبى لو احتاجتى حاجه انا هناك

ماشى يا عمرو مرسى

عمرو فى مكتبه بيتصل بالموبايل

الو ايوه يا نرمين بسمه اخدت دواها..طيب ..والحقنه افتكريها الساعه 2 ..ماشى لو عاوزين حاجه او بسمه احتاجت حاجه كلمونى ..ماشى مع السلامه

عمرو بيفتح دوسيه قضيه اقدامه لسه بيندمج فيها موبيله رن رقم غريب

الو ..ايوه ..مين ..ميــــــن

هدى بتفكر فى نظرات عمرو وفرحانه بيها مقدرتش تستنى قررت تروح تتكلم معاه

بتقرب من المكتب بتاع عمرو سمعته بيتكلم فى التليفون قررت لحد ما يخلص مكالمته

غصب عنها سمعت جزء من الكلام دموعها نزلت وجريت على مكتبها

............................................................................................................

تامر فى مكتبه مستنى معاد محاضراته بيتصل بمرام

الو ايوه يا مرام اعملى حسابك هانخرج بليل ..لاء مش عاوز اعتراض ..خلاص هاكلم انا

 عمى اقوله..لاء ليه ..خلاص يبقى اعملى حسابك اننا نازلين بليل ..سلام وقفل قبل ما

 يسمع ردها

تامر قاعد بيبص للموبايل ومتعصب اوى

الباب بيخبط

ايوه مين اتفضل

ميار بتفتح الباب لو سمحت يا دكتور ممكن اتكلم معاك

تامر بأستغراب اتفضلى يااا صحيح اسمك ايه

انا اسمى ميار طيب تعالى ادخلى

ميار بتقعد على الكرسى بكسوف لو سمحت انا جايه اقول لحضرتك حاجه

اتفضلى انا سمعك

انا يا دكتور.....................نكمل الحلقه الجايه