الحلقه الثانيه
.............
رواااااان فى ايه
.............
رواااااان فى ايه
روان بدموع فى ايه انت
ايه المشكله لما اروح واسهر معاهم وبعدين هارجعلك تانى
لاء يا امير انت مش بترجع من معاهم غير وش الصبح وبتقوم مزاجك وحش مش بعرف اكلمك
انتى عاوزه تتخنقى وتبوظى اليوم الحلو دا صح
انا برضه اللى ببوظه ربنا يسامحك يا امير.. خلاص روح انا هادخل لمريم
امير مسكها من ايديها استنى انا اسف متعيطيش
انا اسفه يا امير انت عارف ان انا بحبهم كلهم بس والله كان نفسى تكون معايا النهارده على الاقل ليا لوحدى
خلاص يا روان انا هاكلمهم واعتذر كدا مبسوطه
لاء انا عارفه انك مش بتحب ترجع فى كلامك انزلهم بس متتأخرش عليا
حاضر ..طيب انا بحبك
حبيبى وانا كمان
طيب مش عاوزه حاجه اجيبها وانا راجع
لاء ياحبيبى عاوزه سلامتك
امير بيركب العربيه
الو ازيك يا عمرو بقولك ايه انتوا اتجمعتوا
لسه ..طيب كويس ..انا اقدامى كمان نص ساعه وجاى ..ماشى يا حبيبى ..سلام
وقرب من بتاع الورد جنبهم ..ازيك يا عم محمد
ازيك يابنى
ممكن ورده حمرا يا عم محمد
اتفضل يابنى
وطلع فلوس وحطها لعم محمد فى جيبه
متشكر يا عم محمد
انا اللى متشكر يابنى مش عارف اودى جمايلك فين
بلاش كلامك دا ياراجل يا طيب يلا سلام
مع السلامه يابنى ربنا يخليلك بنتك يارب
دخل بشويش وايده على عنين روان... حبيبتى
حبيبى خضتنى رجعت ليه
علشان انا مقدرش على زعلك
ربنا يخليك ليا
طيب تعالى عاوزك وباس مريم وخرجوا
............................................................................................
كريم انت جيت
ايوه يا ماما عاوزه حاجه
لاء يا بنى سلامتك اجهزلك الغدا
لاء ياماما اتغديت مع نيره
نيره ماشى يابنى ربنا يسعدك
ربنا يخليكى يا ماما بس لو تحاولى تحبيها والله نيره كويسه اوى وبتحبنى وبتحبك
يابنى انا مش بكرهها ربنا يسعدكوا بس مش برتحلها
يا ماما ليه بس
خلاص يابنى متشغلش نفسك انت بس المهم عندى تبقى مبسوط
طيب يا ماما بعد اذنك انا داخل اغير هدومى اصحابى مستنينى
ما بلاش يا بنى ريح النهارده
لاء يا ماما معلش مش هاقدر اتأخر عنهم
ماشى اللى يريحك
مامااااااااا
ايوه يا نورهان فى ايه
(نورهان اخت كريم الصغيره فى 2 حاسبات ومعلومات)
مالك يا ماما زعلانه ليه
مافيش يا بنتى بس مش عاجبنى حال اخوكى
ليه يا ماما ماله
يابنى مش بيعين ولا قرش
خطيبته مشطباه من مرتبه اول بأول
معلش ياماما مينفعش نتكلم بيحبها
يا بنتى ايه اللى الحب اللى مش مخليه شايف طمعها دا
ربنا يهديه يا ماما وربنا يفتحله عنيه ويشوفها على حقيقتها
يارب يا بنتى يارب
طيب يا ماما انا هادخل افتح الكمبيوتر بقى شويا ماشى يا حبيبتى
ايه دا ...من مين المسج دى
هاى ..نورهان..انا اسمى محمد انتى متعرفنيش بس انا عارفك وكنا مع بعض فى ثانوى
اول ما شفت بروفايلك وصورتك جددتى فيا كل الاحاسيس تانى ..ياريت تقبلى نكون فريندس على الاقل ..باى ومستنيكى
مين دا وايه جرأته دى بس ليه انا مبسوطه ما كتير بعتولى قلولى كلام اقوى من دا
يمكن علشان بيقولى انه بيفكر فيا من ثانوى معقول حد يفضل فاكر حد من ثانوى
وفيها ايه يعنى ما انا مخلصه ثانوى من سنتين
ايه اللى بفكر فيه دا انا هامسح المسج دى احسن ومش بعتاله ادد طبعا
ولو بعت ابقى افكر ...بس انا مستحيل ابعتله
.......................................................................................
ايـــــــــــــــــــــه انتى مبتشوفيش
البنت باستغراب
ايه قلة الذوق اللى انت فيها دى
لاء انت قليلة الادب يعنى غلطانه وكمان جريئه
لاء انت تحترم نفسك
انا اللى احترم نفسى ايه قطر معدى
والله العظيم لو مسكت هاندهلك امن الجامعه
والله انتى جريئه بجد
زميلتها قربت خلاص بقى يا ميار ايه اللى حصل
الاستاذ دا ماشى مش واخد باله وخبطنى جامد وكمان بيقل ادبه
تامر بعصبيه مش عاوز اتعصب عليكى
تتعصب على مين
انتى اللى داخله مش شايفه شوفى كنتى سرحانه فى مين
لاء مسمحلكش ..انت ازاى تتكلم معايا كدا
انا اتكلم زى ما انا عاوز وانتى متقدريش تتكلمى
لاء انت بجد انسان مستفز
تعالى يا ميار امشى معايا خلاص بقى
وهما ماشيين دا بجد انسان غبى ومستفز اوى غلطان وبيتكلم
يا ميار اسكتى بقى انتى عارفه دا مين
زى ما يكون دا حيوااان
يا بنتى دا دكتور تامر اللى هاتموتى وتشوفيه
ايه دا بجد المغرور
ايوه يا ستى
بس دا مغرور دى عليه قليله
يا بنتى خلاص بقى ربنا يستر وميدناش بقى علشان انتى كدا ها تضمنى انك مش هاتعدى من مادته
ايه دا بجد
ايوه طبعا دا انتى مسكتلوش
بس هوا اللى استفذنى
خلاص بقى يا ميار اللى حصل حصل
ربنل يستر بقى بس انا اتخنقت منه بجد اوى
ايه البت دى دى مبتفهمش وقليله ادب
معلش يا دكتور تامر هيا اكيد متقصدش
تامر بعصبيه تقصد ولا متقصدش بس لو شفتها تانى والله ما سيبها
ورجع البيت وهوا متنرفز
ماما انتى فين انا هنا بشوف التليفزيون تعالى
طيب يا ماما انا عاوز اتغدى علشان انزل
طيب الاكل عندك فى المطبخ سخن وكل
ماشى يا ماما
(الواحد مش عارف يرتاح فى البيت دا )
ماما انا نازل
ماشى يا مع السلامه
...........................................................................................
يلا يا محمود ننزل شويا
هانروح فين
هانروح اى حته يلا بقى
لاء ماليش مزاج يا اسلام والله
تصدق انك خنيق
ايوه انا خنيق انا هافتح اللاب احسن
ايوه دا اللى انت فالح فيه فيس بوك وتكلم دى من ورا دى
ماشى يا اسلام سيبنالك العقل
يلا بقى والله لا انت جاى معايا بكره ورايا نبطشيه
ماشى بس نقعد على البحر بس
ماشى يا محمود اللى انت عاوزه بس اغير جو
خلاص يلا ماشى بس برضه هاجيب اللاب
ايه دا لاء والله هوا انا هاروح اكلم نفسى هناك يلا بقى وهانرجع بدرى
ماشى يلا
الجو برد اوى يا اسلام
مش انت اللى قلت عاوز تقعد على البحر
بس مكنتش اعرف ان الجو برد كدا
ياترى زمانهم بيعملوا ايه
هما مين
اصحابى يا عم
والله يا اسلام من كتر كلامك عليهم وانا نفسى اتعرف عليهم
ان شاء الله الاجازه الجايه تيجى معايا واعرفك عليهم
ان شاء الله
استنى نكلمهم نعرف بيعملوا ايه من غيرى
..................................................................................
فى مكان مخصص بهم على الكورنيش يركنوا عربياتهم ويتقابلوا
اهلا يا عموووووووووور وحشتني
وانت كمان يا تامر ايه مالك شكلك متضايق ليه
مافيش اصل حصل معايا موقف النهارده ضايقنى
مالك ايه اللى حصل
بنت كدا شايفه نفسها خلتنى ماشى وخدتنى بالحضن
هههههههههههههههههههه هيا مين اللى خدتك بالحضن وعاملى فيها عقد
بيلتفتوا وراهم
اهلا يا اميـــــــــر انت شرفت يا رزل
اهلا يا عمور ..ازيك يا تامووور بس مين دى ها مين دى
تامر بزعل ساكته يا عمرو احسن
عمرو بجديه اسكت يا امير مينفعش كدا بس هيا مين بقى دى اللى خدتك بالحضن يا بختك
عمرو وامير :هههههههههههههههه ملعوبه يا تامور
لاء انتوا ها تمسكونى تريقه انا ماشى
كريم :ميــــــــــــن اللى مزعلك بس يا تامووووووور
امير :جه منقذك يا سيدى
تامر:لاء بس دول عالم رخمه
كريم :معلش يا تامر هما اكيد بيهظروا معاك
امير :ياعم بيقولك واحده خدته بالحضن
كريم :بضحكه مش قادر يداريها ايه دا الكلام دا بجد مين دى
انتوا عارفين انا اللى غلطان ان جيت اقعد معاكوا
كلهم :هههههههههههههههه خلاص بس احكلينا ايه اللى حصل بجد
انا كنت خارج من باب الجامعه وجيت ابص لقيت اللى فى حضنى
يا بختك ياعم
يا بختى ايه دى منتهى قلة الذوء على اللى عملته فيا
عمرو:لاء وانت متتوصاش زمانك قمت بالواجب
تامر:ابدا انا هزءتها بس
امير :بس لاء يا شيخ كنت المفروض تاخدها قلمين
كريم :خلاص بقى يا امير سيبه وانت يا تامر كبر دماغك
تامر:خلاص اصلا هيا حرقت دمى وخلاص
المهم انت عامل ايه مع نيره
كريم:الحمد لله تمام كله ماشى كويس
تامر :الحمد لله وانت عامل ايه مع روان يا امير
امير بابتسامه نورت وشه:تمام روان دى احلى حاجه حصلت فى حياتى
عمرو بأسى ربنا يخليكوا لبعض يارب ويخليلكوا مريم
امير وكريم وتامر ربنا يرزقك احسن واحده فى الدنيا ويعوضك خير عن
..نكمل الحلقه الجايه
ليست هناك تعليقات:
إرسال تعليق