الحلقه الثانية عشر
.....................
ماما انا نازله ..هاروح لندى لوسمحتى
ليه يا بنتى مش كنتوا لسه مع بعض الصبح
معلش يا ماما والله مش هتأخر ان شاء الله
ماشى يا حبيبتى بس متجيش لوحدك ابقى كلمى اخوكى يجى ياخدك معاه وهوا جاى من
العياده...حاضر يا ماما
ياسمين واقفه بتدوربعنيها عند بيت باسم عاوزه تشوفه
باسم كان لسه جاى من بره بصتله اوى
باسم:مش دى صاحبة ندى
بتبصلى كدا ليه ..شكلها عاوز يقول حاجه
يمكن ندى حكتلها ..انا هاحير نفسى ليه
ما تبص زى ما هيا عاوزه
.............................................................
ندى بتفتح الباب ...ازيك يا سمسما وباستها
منى:ازيك يا ياسمين يا حبيبتى وازى ماما وحشتنى والله
مامتك ست محترمه وانا حبيتها اوى من يوم فرح منه
وهيا كمان يا طنط بتشكر فى حضرتك اوى
واخوكى الدكتوراحمد عامل ايه
بصت ياسمين لندى ..الحمد لله يا طنط كويس
بصراحه ماشاءالله عليه...... وليد مبسوط منه اوى
وبيشكر فيه وبيقول عقبال منشوف نادر زيه
يارب يا طنط احمد اخويا طيب اوى
ربنا يخليهملك يا بنتى يارب
يارب..ربنا يخليكى يا طنط
بعد اذنك يا ماما هادخل انا وياسمين الاوضه شويه
اتفضلوا يا حبايبى خدوا راحتكوا
...................................
مالك يا ياسمين صوتك كان متضايق اوى ليه كدا فى التليفون
مافيش يا ندى عادى والله ما فيش حاجه
انتى ليـــــــــه اتصلتى بباسم يا ندى
علشان انا فعلا معجبه بيه يا ياسمين
وبعدين اخرة الاعجاب ايه...متقوليش جواز ...لانه لو كان بيحبك اومحترم اصلا كان دخل البيت من بابه
ياسمين انتى ليه مش بتحبى باسم خالص كدا
انا لو كان ليكوا صله ببعض كنت قلت عملك حاجه بس انتى متعرفيهوش ليه بتكرهيه كدا
انا مبكرهوش يا ندى انا خايفه على صديقتى الوحيده
لاء متخفيش عليه ..انا خلاص مش هاتكلم معاه تانى هوا كدا عرف ردى يكلم اهله ويجوا بقى
وانتى عندك استعداد تتخطبى وانتى لسه مبدأتيش حتى اولى ..وكليه زى بتاعتنا دى
صعبه وعاوزه تركيز مش حب وكلام فارغ
ندى بزعل كدا يا ياسمين انا بعمل كلام فارغ شكرا
انا مقصدش يا ندى انا بجد مش عاوزه حاجه تعطلك عن مذاكرتك
ربنا يسهل يا ياسمين بجد
...........................................................
يوم سفر باسم الصبح
انا عاوزاكلمها قبل ما اسافر
وحشتنى اوى ووحشنى صوتها
مش هاقدر اسافر قبل ما اكلمها
وطلع رقمها على التليفون
.................................
نايمه على السرير وسرحانه مع الاغنيه
انت ازاى خطفتنى كدا انا مش مصدقانى ..حاسه ان انا مش انا
انا بجد بحبك اوى يا باسم ..يارب تطلع كويس وياسمين تعرف انك كويس
انت مسافر النهارده كان نفسى اكلمك اوى اسمع حبيبتى قبل ما تسافر
بس انا مش هاقدر اعمل كدا
.......................................................
دا صوت موبايلى اللى بيرن
الله راح فين ويا ترى مين بيتصل بيا الصبح كدا
اهو لقيته ..ايه دا باسم
لسه بتفتح الاتصال خلص
...............................................................................
ايه دا هيا مردتش عليه ليه
ممكن تكون لسه نايمه ...هابقى اكلمها تانى
وفتح الرسايل وبعتلها رساله
..................................................................
ندى بتبص للموبايل بحزن
دقيقه وادى رساله
حبيبتى ..صباح الخير ..وحشنى صوتك الرقيق دا اوى ...انا اسف لواتصلت كدا..بس والله مش قادر امنع نفسى ..مش هاقدراسافر قبل ما اسمع صوتك
ندى بوش احمر وابتسامه مش قادره تمنعها
مسكت تليفونها...بفعل لا ارادى..اتصلت بس قبل ما يرد فاقت وقفلت
ايه اللى بعمله دا..
.............................................................................
الله هيا ندى ادتنى رنة وقفلت ليه
هوا ايه حصل ..هيا مش عاوزه تكلمنى ولا ايه ...هاكلمها ..بس يمكن حد دخل عليها
انا هاتصل اتصال صغير ...لومردتش مش هاتصل تانى
....................................................
ايه دا ..دا باسم بيتصل هاتصرف ازاى دلوقت
لازم ارد افهمه ان مينفعش نتكلم تانى غير لما يكلم بابا
الو ...ايوه
ايوه يا حبيبتى ازيك
لما سمعت حبيبتى معرفتش ترد
ندى انا مسافر النهارده ومبسوط اوى وزعلان اوى فى نفس الوقت
ليه.....
مبسوط لانى مسافر ومتأكد من حبك ليا ...وزعلان علشان كان نفسى السفريه تكون اطول
علشان اتكلم معاكى وتعرفينى واعرفك اكتر
ندى...لاء انا مش هاتكلم تانى غير لما تكلم بابا
باسم..والله هاعمل كدا لما ارجع ان شاء الله من السفريه دى
ماشى ترجع بالسلامه
مالك يا ندى انتى متضايقه من حاجه
لاء مفيش ..ماشى يا ندى انتى هاتوحشينى اوى
وهافضل اعد اليوم والدقيقه علشان ارجعلك
واتقدملك ..انا بحبك اوى
ندى تاهت من كلمة بحبك مش عارفه ترد
خلى بالك من نفسك مع السلامه
حاضر يا حبيبتى هاخلى بالى علشانك علشان بحبك اوى
مع السلامه يا حبيبتى
..............................................................
ندى قفلت الموبايل وراحت تانى على الكمبيوتر وشغلت الاغنيه
ونامت على السرير وفضلت تغنى معاها وهيا مبسوطه اوى وسعيده
بكلام باسم اللى عمرها ما سمعت زيه
........................................................................
ماما...كويس انك رجعتى بدرى ..ايوه يا حبيبى راجعه بدرى علشانك علشان اجهزلك
الحاجات اللى ها تخدها معاك
ربنا يخليكى يا ماما بس انا عاوزك فى حاجه تانيه
فى ايه ؟
مش انتى كنتى بتقوليلى عاوزه تخطبيلى ندى
ايوه يا بنى بنت زى العسل وناس محترمين عمرنا مسمعنالهم صوت
خلاص يا ماما انا عاوزالاجازه الجايه الاقيكى مكلمه بابا
ولما ارجع نروح نتقدم
ماشى يا حبيبى نفسى والله افرح بيك
ربنا يخليكى يا ماما خلاص انا موافق اهو بس انتى عليكى بابا
اجى الاقيه موافق بقى
ان شاء الله
...........................................................................
وليد سرحان بعد ما خلص التليفون
منى :هوا مين اللى كان بيتصل
هاقولك ..تصدقى ان انا مبسوط اوى
ربنا يبسطك كمان وكمان يا ابونادر
ما تفرحنى معاك
هاقولك...........................ونكمل الحلقه الجايه
ليست هناك تعليقات:
إرسال تعليق