اسرار الحياة ... الحلقة الرابعة عشر

الحلقه 14
...........
كريم خارج من باب البنك شاف سمر بتسلم على حد 

كريم بعصبيه :انا عارف الانسان دا والله عارفه ...ايوه دا اسامه جار سمر

بس ايه اللى جابه هنا ...وسمر واقفه معاه ليه ..معقول يكونوا ارتبطوا

ايوه اكيد ارتبطوا ولا ايه ها يخليه يتجرأ يجيلها الشغل

اسامه:ليه يا انسه سمر مش موافقه تروحى معايا ما احنا نفس الطريق

اصل ها جيب حاجات لماما وانا راجعه معلش

سمر بتكلم مع اسامه وشايفه كريم وهوا عينه عليهم بس عامله نفسها مش شابفاه

كريم فتح العربيه وقعد جواها و عينه على سمر عاوز يعرف بتعمل ايه وهوا متعصب

اسامه ماشى يا انسه سمر اللى يريحك انا بس كنت عاوز اتكلم معاكى فى موضوع

موضوع ايه

ما انتى بس لو تدينى فرصه ننروح نقعد فى اى مكان او اوصلك ونتكلم

سمر بضيق ماشى يا استاذ اسامه اتفضل

اسامه بفرحه هانروح نتكلم فى مكان

لا لا ها توصلنى وتقولى الموضوع واحنا فى الطريق

اسامه بيفتح لسمر باب العربيه شكرا اتفضلى

سمر بتركب وبتدور بعنيها على كريم شافته قاعد جوه العربيه وعينه عليهم وباين عليه انه متضايق

كريم شاف سمر واسامه بيفتحلها الباب وبتقعد طلع بالعربيه زى المجنون

ايه اللى هيا عملته دا ازاى تسمح لنفسها انها تركب معاااه..وانا مالى تركب مع اللى هيا

عاوزاه ..وانا زعلان ليه ..ما يمكن دا الشخص اللى مفضلاه عليك واضحه اصلا

سمر مع اسامه فى العربيه مش سامعه هوا بيقول ايه كل اللى بتفكر فى كريم وعصبيته وطلوعه بعربيته بالطريقه دى معناه ايه

اسامه:معايا يا انسه سمر

ايوه معاك يا استاذ اسامه

طيب رأيك ايه

فى ايه

فى طلبى انى اتقدملك

سمر بذهول:نعم ..تتقدملى

اسامه :ايوه عندك مانع يا انسه سمر

سمر بأحراج لا ابدا معنديش انا هافكر فى الموضوع بس

كريم بيدخل من باب البيت وهوا متعصب نورهان لسه راجعه من الجامعه وبتكلم مع مامتها

كريم دخل على اوضته وقفل الباب جامد اوى وراااه

الام :يا ساتر يارب هوا فى ايه

نورهان والله ما اعرف يا ماما بس كريم شكله متضايق

الام:طيب لما ادخله اشوفه

نورهان :لالالالا يا ماما ها تلاقيه بس زعلان مع نيره ولا حاجه

اه يا بنتى صح ربنا يتوب عليه منها بقى ياااااااارب

نورهان بتبوس مامتها من خدها انا داخله ياماما اغير واريح شويا على الاكل ما يجهز ماشى

..................................................................................
مريم بتجرى على امير وهوا بيمضى ورق والسكرتيره اقدامه

بابى بابى انا جيت

امير ساب الورق وشالها باسها وقاعدها على رجله

معلش خدى الورق دلوقتى

بس دا ورق مهم لسه ورقتين بس

لاء مش دلوقتى البرنسس مريم جيت خلاص نسيب الشغل

السكرتيره بتبتسم لمريم :ربنا يخليهالك

هاااا حبيبة بابى عملت ايه فى الحضانه

اخدت واحد واتنين والمس باستنى وقالتلى اقولها مامى

لاء يا مريم متقوليش لحد مامى مامى اسمها روان وعند ربنا

ما المس برضه اسمها روان يا بابى وشبه مامى انا بحبها اوى

امير قلبه دق ..شبه مامى ازاى يا مريومه

شبها خالص يا بابى

امير بيفكر معقول فى حد زى روان مش معقول اكيد مريم مش فهما حاجه لسه صغيره

واكيد روان وحشتها

اذا كان وحشتنى انا اوى

ها يا مريومه تحبى تروحى فين

بابى انا عاوزه بيزا

بيزا يا خرابى على بيتزا دى منك يا مريوم حاضر بس كدا يلا بينا

امير شايل مريم نايمه وبيفتح الباب دخل ونايمها فى سريره بعد يوم مرهق فسح

وغير هدومه وجه ينام جنب مريم اخد صورة روان من على الكمودينو

فضل يبوس الصوره ويكلمها شوفتى يا روان مريم دخلت الحضانه

ومبسوطه اوى وانا كمان مبسوط بيها بتفكرنى بيكى ربنا يرحمك يا روان مش قادر انساكى لحظه وباس الصوره ورجعها تانى مكانها واخد مريم فى حضنه ودموعه نازله

..................................................................................
عمرو بيكمل مكالمته

ايوه ..مين..مــــــــــين بتقولى ايه يا انجى طيب اهدى بس حبيبتى

هدى سمعت الكلمتين دول وجريت على اوضتها تعيط

عمرو بيكمل وهوا رايح جاى فى الاوضه ..لاء يا انجى مقصدش حبيبتى بالمعنى اللى

 فهمتيه ..ايوه انا ارتبط بغيرك ..ايوه حبيتها واوى هيا تستاهل الحب
انجى متعيطيش ..انا ماليش ذنب فى كل اللى بيحصلك دا قولتلك عيشى حياتك

واستمتعى بيها ..ايوه والله نسيتك ..سلام يا انجى يا ريت متتصليش تانى ابدا علشان

 انا بجد المره

الجايه هاحرجك

عمرو خلص المكالمه وفتح القضيه لقى الورق ناقص

بيخبط على باب مكتب هدى ممكن ادخل

هدى بتمسح دموعها اكيد اتفضل يا استاذ عمرو

عمرو مستغرب من كلمة استاذ :لو سمحتى يا هدى انتى نسيتى تحطى بقيت ورق

 القضيه فى الدوسيه

هدى متجاهلاه اه معلش سيبه وانا هاكمله وابعتهولك

هوا انتى متضايقه من حاجه يا هدى

هدى بقوه هاشايق من ايه اكيد لاء مش متضايقه

طيب انا حاسس انك متغيره معايا

لاء ابدا انا كويسه يا استاذ عمرو حضرتك عاوز حاجه تانيه

عمرو حس انها بتطرده اتحرك يمشى شكرا وسابها ومشى وهوا محتار ايه غيرها فى

الوقت البسيط دا كدا

هدى كل ما يجمعها اى موقف بعمرو بتتجاهل وجوده فضلت كدا لحد ما روحوا

عمرو بيدخل من البيت على اوضة بسمه

بسوم عامله ايه النهارده

الحمد لله يا عمرو والله كويسه اوى انا عاوزه انزل الجامعه بقى واعيش حياتى عادى

وانا يا حبيبتى نفسى والله بس مش ها ينفع غير لما الدكتور هوا اللى يأمر بكدا

يسمه بحزن ماشى يا عمرو اللى تشوفوه

طيب ايه رأى بسوم حبيبى ان هاخدها ونتعشى بره النهارده

بسمه بفرحه:ايه دا بجد يا عمرو

بجد يا روح عمرو

طيب انا هالبس فى ثانيه اهو

ماشى وانا هاخد شور واغير البدله دى والبس حاجه خفيفه وننزل على طول

بسمه بتبوس عمرو من خده ربنا يخليك ليا

....................................................................................اسماء بتقرب خطواتها من اسلام اسلام لو سمحت استنى

اسلام بيرجع خطواته ازيك يا اسماء

اسماء بأبتسامه ازيك انت انت فين من يوم ما شفتك مش شوفتك تانى

انا..انا كنت باجى هنا دايما ادور عليكى

بتدور عليه انا ليه فى حاجه

الشاب اللى كان ماسك ايد اسماء بيقرب اسماء يلا

تعالى يا احمد اعرفك

اسلام الظابط اللى حكيتلك عنه

احمد خطيبى

اسلام بصدمه خطيبك

ايوه ...احمد بيسلم على اسلام اهلا استاذ اسلام ازى حضرتك

اسلام:اهلا بيك والف مبروك الخطوبه

احمد واسماء ههههههه مبروك ايه احنا بقالنا 1ونص مخطوبين وفرحنا الشهر الجاى

 طبعا انت هاتحضر

اسلام :بأبتسامه اكيد

وودعهم على وعد يشوفوا بعض تانى

اسلام بيرجع لمحمود مهموم

اسلام مالك

مافيش يا محمود انا عاوز انام

تنام غريبه يعنى

غريبه ليه محمود انا مش ناقصك يلا تصبح على خير

بس انا كنت عاوز اقولك انا لقيت مين النهارده اضافه صديق

اسلام :انا مش عاوز اعرف سلام

محمود بيدخل وراااه الاوضه بس انا عاوز اقولك

...............................................................................................
تامر على مكتبه وميار اقدامه

ها يا مياار عاوزه ايه

انا جيت اتكلم مع حضرتك واتأسف على طريقة ردى على حضرتك

انا بجد مكنتش اقصد ولا عمرى كنت قليلة الذوء مع حد

خلاص يا ميار انا نسيت الموضوع دا بجد اعتبريه منتهى

مرسى اوى لحضرتك

العفو ما فيش حاجه خلاص

طيب بعد اذن حضرتك اتفضلى يا مياار بس بقولك مين الولد اللى كنتى بتهظرى معاه دا

مين دا يا دكتور وامتى انا مش بهظر مع ولاد

من اكتر من 3 شهور كدا

ياااه ايوه صح دا اخويه جه من السفر عليه فى الجامعه مستناش اروح البيت ليه يا دككتور حصل منه حاجه

لاء ابدا اصل انا ملا حظ انك مبتكلميش حد دا الوحيد اللى شفتك كلمتيه

اه انا مش بحب صداقه البنات والولاد دى

ماشى يا ميار اتفضلى

شكرا مره تانيه يا دكتور

تامر فى مطعم شيك قاعد على طربيزه مكونه من فردين هوا ومرام على الكرسى اللى

اقد امه

ها تشربى ايه

مش عاوزه حاجه

لاء ها تشربى

امر يعنى

ايوه ولا مش عاجبك

ايوه مش عاجبنى ومش عاوزاك انت مبتحسش

تامر بأبتسامه يعنى عاوزه ليمون

مرام:اووووف

طيب ماشى انا لحد دلوقتى مش عاوز اتعامل معاكى بطريقه تانيه بلاش احسن

بقولك ايه يا د كتو تامر احنا مش نافعين لبعض ولا عمرنا هانكون

تامر وهوا بيشرب العصير ..عارف

عارف ايه
اننا مش نافعين لبعض

طيب ليه العذاب دا

عذاب ايه انا مبسوط

بس انا مش مبسوطه

ودا اللى انا عاوزه

اللى انت عاوزه ان اكون تعيسه 

 نكمل الحلقة الجاية ..........