اسرار الحياة .... الحلقة الرابعة

الحلقه الرابعه
...............
ميار واقفه هيا وتامر جنب باب المدرج وبيكملوا خناق

تامر: ااااااااه لما اشوف

ما خلاص بقى قولتلك اسفه يا دكتور

ايه دا انت ازاى تردى عليه كدا

ما انا من الصبح بقولك حقك عليا اسفه وانت برضه بتتعصب وتتنرفز وانا معملتش فيك حاجه

تامر بيبصلها بذهول انتى ازاى تكلمينى كدا

عاوزنى اكلمك ازاى يعنى وانا من الصبح بكلم حضرتك بمنتهى الظرف والادب 

  لاء والله ما هاعديهالك   

متعديهاش لو جيت على سقوطى ولا يهمنى مش ميار اللى حد يعاملها كدا

تامر بيبص مش مصدق اللى سمعه وفضل يبصلها وهيا ماشيه ومبصتش وراها

ايه اللى سمعته دا معقول اللى حصل دا

مامااااااا يا ماما انتى فين

فى ايه يا تامر انا هنا اهو

لاء مافيش بس فين الاكل

والله يعنى انتى داخل بعصبيتك دى علشان الاكل

ايوه هايكون ايه يعنى

ماشى هاحضرهولك اهو بس متبقاش تعلى صوتك تانى بابا نايم

حاضر

تامر وباباه ومامته على السفره

الام :بقولك ايه يا تامر انا جبتلك عروسه

تامر بلا مبالاه :شكلها ايه

الام:بنت زى القمر ومن عيله كويسه وباباها فاتحلها صيدليه

ماشى يا ماما

الاب :باندهاش ماشى ايه يا تامر مش تشوفها الاول

تامر وهوا بيكمل اكل ما انا بقول ماشى اشوفها

الاب :ماشى يابنى ربنا يوفقك

الام :هاتعجبه يا ابو تامر هوا انا زوءى يعلا عليه

الاب :ها تقوليلى

تقصد ايه يا ابو تامررررررر

مقصدش هو انا اللى هاتجوز

خلاص يابنى انا هاحدد معاهم معاد على اخر الاسبوع

ماشى يا ماما اللى تشوفيه

.........................................................................................

امير وروان بيتكلموا وروان قاعده على طرف السرير وامير نايم

انا بحبك اوى

وانا كمان بحبك اكتر

يعنى مش ندمان انك اتجوزتنى

انا كنت هاندم فعلا لو متجوزتكيش

بس انا عارفه ان طنط مهما حاولت مبتحبنيش

لا يا حبيبتى ماما بتحبك اوى

لا يا امير متحاولش انا عارفه انها عمرها ما حبتنى

معلش علشان ناديه بنت خالتى بس والله ماما بتحبك وبتسألنى دايما روان مش بتيجى معاك ليه

وبعدين مش كفايه انا بحبك

حبيبى كفايه عليا بس تبصلى بعنيك والله انا كل يوم بشكر ربنا انك معايا

حبيبتى ربنا يخليكى ليا وانا عمرى ما اتخيل غيرك حبيبتى ومراتى وام ولادى وماما اكيد هاتحبك

يارب نفسى تحبنى اوى نفس احس ان مافيش حاجه ممكن تضايقنا

ان شاء الله يا حبيبتى انتى مينفعش غير تتحبى

ربنا يخليك ليا يارب طيب حبيبى عاوزه منك طلب

ايه اتفضلى

انا عاوزه اروح ازور ماما بليل وانت معايا

روحى يا حبيبتى بس بلاش انا

ليه بس انا نفسى تيجى معايا ماما بتزعل لما مش بتكون معايا

معلش يا حبيبتى انا مش بنسجم مع ابراهيم ابدا

(جوز نانا اخت روان بس ايه دمه زى العسل بس بالعكس )

بس انا كنت عاوزاك معايا

لاء معلش ياروان اعفينى

خلاص يا امير اللى تشوفه

حبيبتى انا مش عاوزك تزعلى منى بس انا بجد ماليش مزاج

خلاص يا حبيبى والله مش زعلانه

ربنا يخليكى ليا يا اعقل زوجه فى الدنيا

ويخليك لي ولسه بتكمل وقعت فى الارض

امير بخوف روان حبيبتى مالك ردى عليه

روان جسمها بقى بارد اوى وبسرعه

امير بدموع ردى عليه يا روان وحياة مريم ردى عليا

..................................................................................
كريم واقف بعربيته اقدام شغلها شاف نيره وهيا خارجه من الشغل

نيـــــــــــره

نيره بتقرب وهيا مكشره:ايوه يا كريم

ايه يا نيره دى ازيك

حاضر ازيك 

لاء انتى زعلانه هو ايه اللى حصل يعنى

اللى حصل انك بدل ما تكون فرحان اننا ها نتغدى سوا بتفكر فى فلوس ومرتب

طيب اركبى ما ينفعش نقف نتكلم فى الشارع كدا

ماشى

فيها ايه يانيره لما اقولك مش معايا فلوس

يعنى ايه مش معاك

يعنى مرتبى خلص يا نيره هدايا وعزومات طول الشهر

وفيها ايه مش بنتبسط سوا الايام دى مش ها نعيشها تانى

بس احنا كدا مش هانتجوز يا نيره

ليه

هانتجوز ازاى وانا مش بعين ولا مليم هانجيب العفش منين

ليه انت هاتجيب العفش من المرتب

مش كدا بس اكيد فى حاجات كتير ها نحتاجها والمبلغ اللى معايا ممكن ميقضيش

 لازم يكون معايا حاجه موجوده للظروف

لاء انت بتكلم كدا وخلاص ما اكيد مامتك وباباك ها يسعدوك

لاء يا نيره ماما وبابا خلاص بيقولولى لحد كدا وكفايه

يعنى ايه مش فهما

يعنى خلاص اللى معاهم بقى لنورهان و لاحمد اخويا

نورهان ايه دى بنت وها تجهز واكيد عريسها ها يجبلها كل حاجه وكمان احمد لسه صغير يجوزونا ويبسطونا احنا وبعدين يبقوا يفكروا فيهم

ماينفعش يا حبيبتى انا خلاص علمونى واتوظفت المفرووض انا اللى كنت اساعد معاهم

كمان لاء دا انا كنت واخده فكره غلط

فكره غلط ازاى يعنى

بص يا كريم انا قررت
,,,,,,,,,,,,,,,,,,,
نورهان بتكلم محمد على الشات

هاى يا نووور

هاى ازيك

عامله ايه

تمام الحمد لله

وحشتينى

بكسوف ايه دا انا لسه مكلماك من ساعتين بس

برضه وحشتينى

شكرا

شكرا ايه بس بقولك وحشتينى

خلاص بقى يا محمد بلاش كلامك دا احنا اصحاب بس

ممممممممممم..ويعنى الصحاب مش بيقولوا لبعض وحشتينى

لاء بيقولوا

طيب ايه

مفيش خلاص

خلاص ايه

محمد انا هاقوم ماما بتنده عليا

سلام

وقفلت قبل ما يبعت رده

ايه اللى بيحصلى انا مبسوطه اوووى اووووى بكلامه ليا كدا ليه

وفتحت الفيس تانى اوفلاين علشان بس تشوفه ها يكتب ايه
............................................................................................

اسلام واقف بيتفرج على البحر وبيشكيله

امتى بقى ها تتعدلى امتى احس فيكى بالراحه

نفسى فسادك وظلمك ينتهوا

انا زهقـــــــــــت

هاى

اسلام بيفوق من سرحانه :ايوه

حضرتك انا اسمى اسماء ودايما اشوفك تيجى تقف هنا وحزين فى حاجه

اسلام بأنتباه انها ملاحظاه كدا

لاء الحمد لله انا كويس

طيب انا اسفه تطفلت عليك

لاء ابدا انا متشكر اوى لاحساسك دا

حضرتك مش من هنا صح

ايوه عرفتى ازاى

كلامك مش اسكندرانى

اسلام بأبتسامه ايوه انا من كايرو

اها طيب بتعمل ايه هنا

انا ظابط هنا

ظابط ايه

ظابط حربيه

ما شاء الله يلا ربنا معاك وتظبطولنا البلد دى شويا

ايوه نظبطها ...ان شاء الله

حضرتك اتضايقت ليه انا قلت حاجه تضايقك

لاء ابدا انا بس اتأخرت ورايا نبطشيه لازم امشى

اه طيب انا اسفه ان عطلتك

لاء متقوليش كدا انا مبسوط اتعرفت عليكى

ربنا يخليك

مع السلامه يا اسماء

اسماء بأبتسامه الله يسلمك

سلام

اسلام بعد ما مشى ايه دا انا نسيت اقولها اشوفك تانى ازاى او اخد رقمها

وانا يعنى اعرف رقمها ليه

عادى يعنى شكلها بنوته لذيذه رغم انها جت تكلمنى بس شفت فى عنيها كسوف مشوفتوش فى بنت قبل كدا

اسماء وهيا محرجه(انا ايه اللى عملته دا انا اللى اقرب منه واكلمه كمان يلا بقى اللى

 حصل لاء انا غلط اووى بس هوا شكله انسان محترم)

انا لازم ارجع بسرعه اخد رقمها او اتفق معاها اشوفها تانى ازاى

وقرب من المكان اللى كانوا فيه

..................................................................................

عمرو فى المستشفى جنب سرير بسمه نايمه ومتركب لها الاجهزه

عمرو بدموع وماسك ايد بسمه

حبيبتى يا بسمه قومى بقى وحشتينى انا زهقت نفسى الاقى حد معايا

بسمه مافيش اى تجاوب

انا تعبت اوى دايما لوحدى يا بسمه مافيش حد بياخد باله منى ولا حد بيعملى حاجه

علشان خاطرى يا بسمه فوقى بقى متسبينيش زى ما ماما وبابا سابونى

فوقى بقى علشان خاطرى وحشتيينى وحشنى هزارنا سوا

بدموع اقووووووووووى علشان خاطرى بقى قومى وحياتى عندك قومى متسبينيش لوحدى

الممرضه بتقرب :يلا يا استاذ عمرو كفايه كدا

عمرو بيمسح دموعه حاضر خلاص

عمرو رجع المكتب

سها انا داخل المكتب متخليش حد يدخلى دلوقتى

حاضر

عمرو بيمسك الموبايل وبيبص فيه وبتصل بالنمره اللى اتحفرت جواااه

الو

ايوه يا عمرو يا حبيبى كنت متأكده انك هاتكلمنى

انا مخنووووووق اوى يا انجى

الف سلامه عليك يا حبيبى مالك

بدموع بسمه وحشتنى اوى نفسى تقوم بقى انا تعبت من وحدتى كل اللى حواليا سابونى

عمرو حبيبى انا عاوزه اشوفك

عمرو فاق من اللى بيعمله انا اسف يا انجى انى اتكلمت غلطه مش ها تتكرر تانى

يا عمرو استنى بس متقفلش انا عارفه انك بتحبنى زى ما بحبك

لاء انا مبحبكيش انا نسيتك يوم ما بعتينى واشتريتى الجاهز انا ضعفت علشان مخنوق

لاء يا عمرو انا واثقه من حبك ليا

سلام يا انجى وياريت تنسى المكالمه دى

مقدرش

وقفل قبل ما تكمل كلامها

التليفون بيرن مره واتنين وتلاته كل مره انجى

رابع مره ايووووووه

ايوه ياعمرو يا بنى مالك

عمرو باحراج ايوه يا استاذ مدحت انا اسف مش اقصدك

ايه يابنى حصل حاجه

لاء ابدا كله تمام متقلقش والمكتب تمام الحمد لله

االحمد لله يا عمرو انا عارف انا سايبه فى ايد امينه

ربنا يخليك يا فندم انا تحت امرك

ربنا يخليك بنت حضرتك عامله ايه دلوقت

الحمد لله يا عمرو هدى عملت العمليه ونجحت وهانرجع اول ما تتحسن ان شاء الله

الف مبروووك يا فندم ربنا يخليها لحضرتك

ربنا يخليك يا عمرو

ان شاء الله لما نرجع هاعمل حفله كبيره بمناسبة شفائها واعرفك عليها

ان شاء الله يا فندم انا اتمنى

ماشى يلا خلى بالك من نفسك ومن المكتب

حاضر يا فندم متقلقش وتيجوا بالسلامه ان شاء الله

مع السلامه

التليفون بيرن ايوه يا انجى قولتلك غلطه ان اتصلت بيكى متتصليش تانى

يا عمرو اسمعنى بس

عاوزه ايه ؟

..............................................نكمل الحلقه الجايه