اسرار الحياة .... الحلقة الثالثة

الحلقه الثالثه                      
.............

عمرو :خلاص بقى بالله عليكوا ما تكملوا ..وسرح

فلاش باك

عمرو يابنى انا ومامتك مسافرين لعمتك هاتعمل عمليه ولازم نكون جنبها

طيب استنوا خلاص استأذن يومين من الشغل واجى معاكوا

لاء يابنى بس حبيبنا نسألك ناخد اختك معانا ولا نسيبها تعملك حاجتك

اللى هيا عاوزاه لو عاوزه تيجى تغير جو معاكو خدوها

بسمه حبيبتى ها تيجى معانا ولا هاتقعدى مع عمرو

اللى تشوفوه بس انا عاوزه اشوف عمتو

خلاص يا حبيبتى روحى معاهم

بس مش تزعل يا عمرو

ازعل ليه يا عبيطه هما يومين مش هاعرف اصرف نفسى فيهم وبعدين انا طول اليوم فى البيت

ماشى يا حبيبى ربنا يخليك ليا

فى المكتب الموبايل بيرن

الو..ايوه يا بابا

الو حضرتك..مين

عمرو قام وقف ايوه مين معايا

معلش حضرتك احنا مستشفى ....

عمرو بتوتر مستشفى ..مستشفى ميـــــــــــن..ولـــــيه ايه اللى حصل

معلش صاحب الرقم دا واللى معاه عملوا حادثه

حادثه هما فيييييين

طيب انا جاى حالا

عمرو بيجرى زى المجنون 

فرمل رجله وكان هايوقع مش قادر يتكلم لو وو سمحت فى ناس جم هنا فى حادثة عربيه

ايوه حضرتك ربنا يصبرك

ربنا يصبرنى ليــــــــــــه ايه اللى حصل

اتفضل اطلع فوق وانت هاتعرف

عمرو رجليه مش قادر يمشى عليها من خوفه من اللى هايسمعه

بيطلع جرى اول ما قابل الدكتور عمرو وهوا بينهج وصوته بيتفهم بالعافيه

ايه اللى حصل لعيلتى يا دكتور

انت مين

انا ابنهم ... والنبى طمنى

احنا اسفين يابنى مقدرناش ننقظ مامتك وباباك البقاء لله

عمرو بدموع ماتوا ..وفاق من صدمته طيب وبسمه اختى يا دكتور

بيتعملها عمليه خطيره يابنى ادعيلها

ادعيلها ..اكيد انا فى كابوس ..يارب ..يارب خليك معايا

عمرو رجع للواقع خلاص وعنيه دمعت

امير : حبيبى يا عمرو علشان خاطرنا روق وكلنا جنبك اهو

تامر :ايه يا عمرو انت كل شويا تزعل كدا كبر دماغك بقى

كريم :يكبر دماغه بقى والله انت ما بتعرف تتكلم اسكت خالص معلش يا عمووور كلنا معاك

 وربنا يشفيلك بسمه ان شاء الله وتفوق

عمرو: بقالها 4 شهور فى غيبوبه وكل ما تكلمهم يقولوا عايشه بس اكلينيكيا والله تعبت نفسى تفوق

بقى وترجع تونسنى

كريم:عموووور روق يا حبيبى ان شاء الله تقوم بالسلامه وترجعلك وهاتبقوا زى الفل

عمرو:يارب

امير بخفة دم :هاااااااا بالنسبه للاستاذ اللى اتحضن دا ايه

الكل ااااااااه صحيح مش هاتقولنا الحضن كان حلو ولا ايه

تامر بنرفزه : اه انتوا هاتستلمونى النهارده انا ماشى يلا سلام

وودعوا بعضهم بالابتسامه والاحضان بالاتفاق يتقابلوا لما اسلام يرجع

صباح الخير يا سها

صباح الخير يا استاذ عمرو لو سمحت فى واحده جوه مستنيا حضرتك

مين دى

موكله

على الصبح كدا ماشى هادخل اشوفها معلش يا هدى فنجان قهوه اصل كنت سهران ومنمتش كويس

من غير فطار..لاء مينفعش هابعتلك معاها سندوتش

ماشى يا سها شكرا بس لما الموكله دى تمشى

حاضر

شابه من اوائل العشرينات يبدو عليها الفخامه وحسن المظهر

اهلا وسهلا بحضرتك..واول ما قلعت النضاره

عمرو بدهشه انتى

ايوه انا يا عمرو وحشتنى

تبدلت ملامحه انتى ازاى اتجرأتى تجي هنا

وحشتنى يا عمرو كان لازم اجى اشوفك

وجوزك يا مدام

متفكرنيش يا عمرو انا عاوزه اطلق منه دا انسان انانى مبيحبش الا نفسه

طيب والله حاجه كويسه بتوصفى نفسك يعنى زى بعض ماشاء الله

يا عمرو الظروف كانت اقوى منى

ماتقوليش كانت اقوى منك مافيش حاجه اقوى من اللى الانسان عاوزه انتى اللى طمعتى

لاء يا عمرو انت عارف ان بابا كان مستعجل وعاوز يجوزنى وظروف موت عمو وطنط لخبطوا كل حاجه

بصى انا مش عاوز اتكلم فى حاجه فاتت خلاص انتى عاوزه منى ايه دلوقتى

انا بحبك وعاوز اطلق خلاص مش قادره اعيش مع محسن

وانتى بالنسبالى انتهيتى اتفضلى بره

بتطردنى يا عمرو

ايوه اتفضلى

على العموم دى نمرتى وعارفه انك هاتكلمنى مستنياك وسابت الكارت على المكتب ومشيت

عمرو اخد الكارت من على المكتب وفضل يبص فيه كأنه بيحفظ نمرتها وبعدين قطع الكارت

اجى يا استاذ عمرو

اتفضلى يا سها

اتفضل القهوه والسندوتش

شكرا يا سها

بعد اذنك

اتفضلى
...........................................................................................

حبيبتى صباح الفل

حبيبى صباح الخير شوفت اتأخرت امبارح زى ما بقولك

معلش يا رونى والله عمرو افتكر مامته وباباه وكان زعلان اوى

اه والله يا امير انا نفسى بزعل اوى لما بعرف انهم ماتوا كانوا طيبين اوى ربنا يصبره

ربنا بس يقومله بسمه بالسلامه علشان تونسه

يارب

مافيش حاجه بعيده عن ربنا ياحبيبتى

ونعمه بالله يا حبيبى يلا هاجهزلك الفطار

ماشى انا هدخل اخد شور والبس واحصلك

ماشى يا حبيبى هتلاقى الفطار جاهز

مريومه مريومه صباح الفل حبيبت بابى

ايه الدلع اللى على الصبح دا انا كدا هاغير

لاء دى حبيبتى غيرى براحتك

كدا ماشى ياا امير انا مخصماك

شوفتى يا مريومه مامى غيرانه علشان بحبك

ببببا

ايه دا سمعتى قالت ايه

ايوه

قولى تانى يا مريومه بببا

ههههههه خلاص بقى يا امير يعنى هيا اول مره

بس انا اول مره اسمعها

معلش يا حبيبى علشان انت فى شغلك بس

صح ...طيب انا نازل بقى اتأخرت اوى

طيب كمل فطارك انت فضلت تلعب مع مريم ومفطرتش

لاء خلاص الحمد لله ..عاوزه حاجه اجيبها وانا طالع

لاء يا حبيبى سلام

طيب يا رونى انا هاعدى على ماما هتأخر شويا يمكن اتغدى هناك لو كدا هاكلمك

ماشى يا حبيبى وسلملى عليها

,,,,,,,,,,,,,,,,,,

انا خلصت ....الجمارك انزلوا بقى انتوا استلموا البضاعه والاقى كل حاجه جاهزه بكره

حاضر يا استاذ امير

,,,,,,,,,,,,,,,,,,,,,,

ازيك يا ست الكل

ازيك يا امير يا بنى وازى مراتك وازى بنتك

الحمد لله يا ماما كلنا كويسين

طنط امال انا خلصت الاكل

ايه دا مين هنا يا ماما

دى ناديه بنت خالتك

امير بتوتر هيا هنا

ايه يابنى انت عملت كدا ليه هيا بعبع والنبى ناديه ضفرها برقبة عشرة من...ولا بلاش لتزعل

ماشى يا ماما انا قلت اجى اطمن عليكى عاوزه حاجه

اه ما هيا دايما كدا لما سيرتها بتيجى متقلبك والنبى ناديه كانت احق بيك وبتحبك

ماشى ياماما انا نازل ...ولسه بيتحرك سمع ناديه بتقرب

طنط امال انا نازله..ووقفت مكانها ووشها احمر

قوم يابنى سلم على ناديه

وهوا فى مكانه ازيك يا ناديه

اااهلا ازيك يا استاذ امير

كويس وروان ومريم كويسين وبيسلموا عليكى

ناديه دموعها فى عنيها طيب انا نازله سلام عليكو ومستنيتش تسمع ردهم

حرام عليك يابنى دايماا كاسر بخاطرها

كاسر بخاطرها ايه يا ماما يعنى بكدب ما هى عارفه انى متجوز وبموت فى مراتى ..

اه يا ماما بموت فى مراتى

خلاص يا خويا عرفنا ربنا يهنيكوا ببعض

يارب ياماما يلا انا ماشى سلام

ماتقعد تتغدى معايا دا نفس ناديه جميل فى الاكل

لاء متشكر نفس مراتى احلى

كدا ماشى يا امير

ياست الكل لو انتى اللى طابخه اكيد هايكون اكلك احلى

ههه ماشى يا بكاش

يلا ياحبيبتى وباسها من خدها سلام

,,,,,,,,,,,,,,,,,,,,,,
حبيبتى

حبيبى رجعت بدرى مش روحت لطنط ولا ايه 

لاء روحت بتسلم عليكى وعلى مريومه كتيييييير

روان بأبتسامه ربنا يخليك ليا

حبيبى ويخليكى ليا بس انا بقولك ماما بتسلم عليكى مش بقولك بحبك

لاء علشان انت احسن زوج فى الدنيا

امير بأبتسامه طيب فين مريوما عاوز العب معاها

لاء مريومه نايمه

ايه دا بجد..ليه كدا

يلا حبيبى هاحضرلك الغدا على ما تغير هدومك وبعدين مش عاوز تقعد مع رونى حبيبتك

انا مش عاوز....... طيب

............................................................................................
اسلام يلا يا بنى قووووم

ايه يا محمود فى ايه

يلا اتأخرنا

ماشى هاقوم اهو

لبس اسلام ومحمود ونزلوا

ايوه يا فندم حضرتك طلبتنى

ايوه يا اسلام اقعد

ايوه تحت امرك

بص انت عارف انك زى ابنى وانا بحبك وبخاف عليك

ايوه يا فندم عارف انا حصل منى حاجه

ايوه الكلام اللى انت بتقوله دا يا سلام غلط

اسلام بدهشه كلام ايه حضرتك

كلامك ان البلد بايظه ومش فيها نظام مينفعش لما احنا ظباط والمفروض اننا بنحميها نقول كدا سيبنا ايه للناس التانيه

يا فندم انا فعلا مش عاجبنى حال البلد وصعبان عليا اوى اللى بيحصل فيها

ماشى كلنا زعلانين بس كلامنا دا يبقى جوانا مينفعش نقوله لاى حد وفى كل حته

ماشى يا فندم انا اسف لحضرتك

يا اسلام انا مش بقولك علشان تتأسف انا خايف عليك

خلاص يا فندم مش ها يتكرر تانى

اتمنى يا اسلام انت عارف لو حد وصله خبر عن كلامك دا ممكن يحصل ايه

عارف يا فندم متشكر

ماشى يلا انت على شغلك ربنا معاك

ربنا يخليك يا فندم

اسلام خارج حزين

محمود:ايه يا اسلام مالك

مافيش

ازاى مافيش كانوا طلبينك ليه

علشان كلامى مش عاجبهم

كلام ايه اللى مش عاجبهم

كلامى عن النظام والبلد البايظه والفساد اللى مليها

خلاص خلاص اسكت بقى

هاسكت يا محمود هاسكت

خلاص بقى يا اسلام متزعلش كل حاجه ها تظبط وها تبقى تمام

عمرها ما ها تبقى تمام طول ما احنا سلبيين كدا

يا اسلام خلاص نكمل لما نرجع السكن

.........................................................................................................

سمر عاوزه تتكلم مع كريم بأى طريقه

استاذ كريم ممكن تبعتلى مجموعة عقود من عندك

طيب يا استاذه سمر 

سمر بكسوف اليوم النهارده شكله هادى الحمد لله

اه علشان اخر الشهر ما انتى عارفه

ايوه عارفه ..صحيح طنط وعمو ونورهان عاملين ايه

الحمد لله كويسين بيسلموا عليكى

الله يسلمهم والله انا حبتهم اوى من يوم فرح معاذ

شكرا وهما كمان حبوكى

سمر بكسوف شكرا ومش عارفه تقول ايه تانى..طيب انا هارجع مكتبى عاوز حاجه

لاء شكرا

ومسك التليفون وبصوت هادى اوى

صباح الفل حبيبى

صباح الخير يا كريم

ها.. نزلتى الشغل

اه بقاالى ربع ساعه بس

طيب حبيبى هاعدى عليكى بعد الشغل

ماشى مستنياك نروح نتغدى سوا

ما بلاش النهارده يا نيره

نيره بزعل ...ليه

علشان ماما بتزعل كل يوم اتغدى بره والفلوس كمان انا اخر الشهر

اه اخر الشهر ماشى براحتك اعمل اللى يريحك

انتى زعلتى ليه بس يعنى اعمل ايه

متعملش حاجه يلا سلام وقفلت قبل ما تسمع رده

كريم بان عليه انه اتضايق اوى

سمر لاحظة انه بيتكلم بهدوء اوى بس مش عارفه مين وعاوزه تروح تسأله ماله

بس وقفت نفسها عند اللحظه المناسبه

انا قلقانه عليه بس لو كنت سألته واحرجنى

لاء انا مش هاسأله احسن

وفضلت تخطف نظرات ليه وترجع تبص تانى للورق اللى اقدامها

نورهااااان انتى مش هاتنزلى الجامعه يا بنتى

لاء ياماما مش ورايا محاضرات النهارده

ماشى طيب سيبى بقى اللاب دا شويه وقومى ذاكريلك كلمتين ينفعوكى

حاضر ياماما هاقوم اهو

نورهان بتفتح الفيس بوك ايه دا كل دى مسجات يا ترى مين

ايه دا دا هوا وبعتلى كمان اضافه

ها اقبله ولا ايه محتاره

وحسمت قرارها بقبول الصداقه

هاااااااااااى نورهان

ايه دا دا فاتح

هااااااااى

انا متشكر اوى يا نورهان انك قبلتى صداقتى

لاء مافيش حاجه عادى

لاء انا عارف انك مش بتضيفى اى حد

مممممممممممممم

طيب انتى عامله ايه فى الجامعه

انا كويسه الحمد لله

وانت دخلت ايه

انا حاسبات ومعلومات

ايه دا معايا

ايوه معاكى انا بشوفك كتيير هناك

والله بس انا عمرى ما اخدت بالى منك

مش مشكله هابقى اجى اعرفك بيا ان شاء الله يوم الاتنين مش انتى عندك محاضرات برضه

ايوه بس عرفت ازاى

عرفت وخلاص

مممممم انت غريب

ليه

مش عارفه بس انت فعلا اول ولد قبل اضيفه عندى

متخافيش مش هاتندمى

......................

ها سكتى ليه

مافيش انا هاقفل بقى هاقوم اذاكر شويه

ما تخليكى معايا شويه عاوز اتكلم معاكى

ان شاء الله مره تانيه

ماشى اللى يريحك

سلام

ايه الانسان الغريب دا ازاى انا قبلته وازاى كلمنى ورديت عليه عادى كدا من امتى انا كدا .

.خلاص بقى يعنى كان ايه اللى حصل وبعدين انا عارفه نفسى هاوقف اى حد عند حده

.............................................................................................................
صباح الخير يا احمد
صباح النور يا تامر

وقعدوا على مكاتبهم

هااا وراك كام محاضره النهارده يا تامر

والله يا احمد ورايا محاضرتين..وواحده لسه اول مره هادخلهم وربنا يستر

اه ربنا يستر عليهم منك يا تامر هاتعقدهم

انا برضه هاعقدهم هما اصلا جايين يتعلموا دول فكرينها فسحه باين

يابنى فكها شويه بقى

ماشى هافكها.. انت بقى محضراتك امتى 

اول محاضره كمان 10 دقايق.. يلا على ما اوصل المدرج

ماشى يا احمد سلام

عم محمود لو سمحت مج نسكافيه

حاضر

تامر:بيسيب المج من ايده وبيبص فى الساعه ياااه يادوب انزل

ايه البنات دى كل دا حاطينه فى وشهم دول جايين كبريه اكيد

مياااار انت يا فالحه

ميار وهيا مشغوله بالموبايل ..نعم يا بنتى

دكتور تاااااامر اللى حضرتك مسخرتى بكرامته الارض

ايه دا بجد...اه والله هوا طيب هاعمل ايه دلوrقتى

تدارى يا فالحه لو شافك مش بعيد.. يفرج عليكى المدرج

ايوه هوا قليل الذوء ويعملها بس هادارى ازاى بس

انزلى لتحت كدااااا

اللى قاعده قدامهم لو سمحتى ممكن تبدلى مع صاحبتك الطويله دى

البنت لييييه

علشان بس صاحبتى بطنها وجعاها وهاتريح ومش عاوزه الدكتور يشوفها

البنت :طيب تعالى معلش بدلى معايا

ها كدا باينه

لاء متخافيش

ربنا يستر على الماده دى

اه اكيد كدا شيلتها خلاص

انتى يالى هناااااك

يا نهااار اسود بينده عليا فالحه ياختى

انا يا دكتور

ايوه انتى واللى جنبك بتكلموا ليه

لاء.... ابدا يا دكتور والله

طيب انا بس المره دى بلفت نظرك المره الجايه ها تطردوا بره

انا اسفه يا دكتور

خلاص اقعدى

والكلام موجهه للكل طول ما انا بشرح وموجود محدش يتكلم

يا رانيا هاعمل ايه انا واثقه وانا خارجه ها يشوفنى

ربنا يستر يا ميار بقى علشان تبقى تتخنقى حلو

يعنى اعمل ايه

خلاص بقى ها يطردنا

ميار بتتدارى فى رانيا يلا بقى نمشى من هنا قبل ما يشوفنا

طيب وبعدين هاتفضلى تدارى كدا ما لازم هايشوفك

وهيا ماشيه مش واخده بالها ربنا يستر... خبطت فى حد تانى

ايــــــــــــــــــه مش تفتح يا ح.......وبتبرق بعنيها انت

لاء انتى مش طبيعيه انتى مستقصدانى

حضرتك وعنيها فى الارض انا اسفه

ايه (الادب دا )اللى انتى عملتيه دا

انا اسفه والله مخدتش بالى يا دكتور

لاء بعد كدا خلى بالك بلاش تمشى سرحانه

انا مش سرحانه والله انا بس كنت بتكلم مع رانيا ..الله هيا راحت فين

بلا رانيا بلا كلام فاضى انا قولتلك ملمحكيش تانى

ميار بتحاول تمسك نفسها بالعافيه معلش يا دكتور انا اسفه مش هاتتكرر تانى

بسخريه ااااااااه لما نشوف

.................................................................نكمل الحلقه الجايه